ឃាត់ខ្លួនបុរសម្នាក់ ពីបទ ប្រើសម្ដីមិនសមរម្យ ដោយថាចង់ធ្វេីឃាតលោកមេប៉ុស្តិ៍ស្រែអំបិល
រឿងរ៉ាវដែលគួរ ឲ្យភ្ញាក់ផ្អើលនេះ បានកេីតឡេីង កាលពីថ្ងៃទី ១៨ ខែ ធ្នូ ឆ្នាំ ២០១៨ នៅវេលាម៉ោង ២០:០០ យប់ នៅពេលដែលលោកអនុសេនីយ៍ឯក ខាំ វង្ស នាយប៉ុស្តិ៍ស្រែអំបិល ដឹកនាំកម្លាំងចុះល្បាតក្នុងមូលដ្ឋាន ក៏ប្រទះឃេីញបុរសម្នាក់មានឈ្មោះ ខឿន សុីណាង ភេទប្រុស អាយុ ២៩ឆ្នាំ កំពុងតែដេក នៅចំណុចមុខផ្សារ ស្រែអំបិល ស្ថិតនៅភូមិត្រពាំង ឃុំស្រែអំបិល ស្រុកស្រែអំបិល កម្លាំងយេីងក៏បានសួរនាំ ហេីយឲ្យត្រលប់ទៅផ្ទះវិញ ពេលនោះ ជនរូបនេះ ក៏បានដេីរត្រលប់ទៅផ្ទះ ប្រហែលជា ២០ នាទី ក្រោយមក បុរសខាងលេី បានដេីរទៅផ្ទះ លោកមេប៉ុស្តិ៍ស្រែអំបិល ក៏បានជួបនឹងភរិយាគាត់ ហេីយក៏សួរថា លោក ខាំ វង្ស នៅផ្ទះអត់ ពេលនោះ ភរិយាគាត់ ក៏បានឆ្លេីយតបវិញថា គាត់មិននៅទេ ព្រោះគាត់ចុះល្បាត ភ្លាមៗនោះ ស្រាប់តែបុរសនោះ និយាយថា ទោះជាយ៉ាងណាក៏ដោយ នឹងធ្វើឃាតលោក ខាំ វង្ស អោយបាន នៅក្នុងយប់នឹង រួចក៏ដេីរត្រលប់ទៅវិញ ឮដូចនេះ ភរិយារបស់គាត់ ក៏បានផ្ដល់ដំណឹងមកអោយគាត់ ហេីយលោកមេប៉ុស្តិ៍ក៏បានរកឃេីញ បុរសនេះ នៅមុខផ្សារម្តងទៀត ដោយហៅមកសួរនាំ ជនរូបនេះ ក៏នៅតែនិយាយបែបនេះដដែល ក្រោយមក កម្លាំងយេីង ក៏បានធ្វើការឃាត់ខ្លួន យកមកសាកសួរបំភ្លឺ នៅអធិការដ្ឋាននគរបាលស្រុកស្រែអំបិល ។
បច្ចុប្បន្ន ជនសង្ស័យខាងលេី ត្រូវបានបំពេញសំណុំរឿងចាត់ការតាមនិតិវិធីច្បាប់៕
