ចាប់ជនសង្ស័យម្នាក់ វាយសម្លាប់បុរសម្នាក់ មានសតិមិនប្រក្រតីដូចគ្នា
កោះកុង៖ ស្នងការដ្ឋាននគរបាលខេត្តកោះកុង បានឲ្យដឹងថា នៅថ្ងៃទី ២០ ខែធ្នូ ឆ្នាំ ២០១៩វេលាម៉ោង ៩:០០ នាទីព្រឹក មានករណីឃាតកម្មកើតឡើង ១ លើក នៅចំណុចភូមិឃុំថ្មស ស្រុកបូទុមសាគរ ។ ក្រោយពេលកើតហេតុ កម្លាំងសមត្ថកិច្ចបានចុះស្រាវជ្រាវ ក៏ឈានដល់ឃាត់ខ្លួនជនសង្ស័យម្នាក់ ដែលមានសតិមិនប្រក្រតីដូចគ្នា ដើរមិនចូលផ្ទះ។
ក្រោយទទួលបានព័ត៌មាន កម្លាំងអធិការដ្ឋាននគរបាលស្រុក សហការជាមួយកម្លាំងប៉ុស្តិ៍ថ្មស ដោយមានការចូលរួមពីគ្រូពេទ្យមណ្ឌលសុភាពថ្មស បានចុះពិនិត្យសាកសព ។
តាមការស្រាវជ្រាវ បានបញ្ជាក់ថា ជនរងគ្រោះមានឈ្មោះ មុំ ម៉េន ភេទប្រុស អាយុ ១៧ ឆ្នាំ រស់នៅភូមិឃុំកើតហេតុខាងលើ ជាជនមានសតិមិនប្រក្រតី តាំងកំណើត នៅលើសាកសពជនរងគ្រោះមានស្នាម ជាំ លើបំពុង ក និងមានឈាម ចេញតាមច្រមុះ តាមការសន្និដ្ឋានពីគ្រូពេទ្យ គឺជនរងគ្រោះ ស្លាប់ដោយសារគេច្របាច់ ក ។
នគរបាល បានបញ្ជាក់ថា នៅពេលដែល កម្លាំងយើងស្រាវជ្រាវ ក៏ឈានដល់ឃាត់ខ្លួនជនសង្ស័យឈ្មោះ តឹម វ៉ន ភេទប្រុស អាយុ ២៧ ឆ្នាំ រស់នៅភូមិថ្មី ឃុំថ្មស ស្រុកបូទុមសាគរ មានសតិមិនប្រក្រតីដូចគ្នា ដើមិនចូលផ្ទះ ។
បច្ចុប្បន្ន ជនសង្ស័យ ត្រូវបានបំពេញសំណុំរឿង ចាត់ការតាមនីតិវិធីច្បាប់៕
