ឃាត់ខ្លួនជនសង្ស័យម្នាក់ដកហូតថ្នាំញៀន បាន៦កញ្ចប់ខណៈកំពុងធ្វើសកម្មភាពចែកចាយគ្រឿងញៀន

ភ្នំពេញ៖បុរសម្នាក់ត្រូវបានកំលាំងប៉ុសិ៍្តនគរបាលរដ្ឋបាលផ្សារដើមគរនៃអធិការដ្ឋានគរបាលខណ្ឌទួលគោកធ្វើការឃាត់ខ្លួនខណៈដែរបុរសម្នាក់នេះកំពុងតែធ្វើសកម្មភាពជួញដូរថ្នាំញៀននៅក្នុងមូលដ្ឋានសង្កាត់ផ្សារដើមគរ។

   ប្រតិបត្តិការនេះបានធ្វើឡើងកាលពីរសៀលថៃ្ងទី២០ខែធ្នូឆាំ្ន២០១៩វេលាម៉ោង១៤និង៥០នាទីនៅចំណុចមុខផ្ទះលេខ៤៤ផ្លូវលេខ២៣៤ក្រុមទី២៧ភូមិ៧សង្កាត់ផ្សារដើមគរខណ្ឌទួលគោករាជធានីភ្នំពេញ។

  ជនសង្ស័យ ឈ្មោះយ៊ាំង សុខទី ភេទប្រុសអាយុជាង៣០ឆ្នាំមុខរបរនិងទីលំនៅមិនពិតប្រាកដ។

  មន្ត្រីប៉ូលិសខណ្ឌទួលគោកបានឲ្យដឹងថានៅមុនពេលកើតហេតុសមត្ថកិច្ចប៉ូលិសខណ្ឌទួលគោកបានជិះល្បាតនៅក្នុងមូលដ្ឋានរបស់ខ្លួនដើម្បីការពារសន្តិសុខជូនប្រជាពលរដ្ឋខណៈជិះដល់ចំណុចខាងលើក៏បានឃើញជនសង្ស័យកំពុងធ្វើសកម្មភាពចែកចាយគ្រឿងញៀនហើយនៅពេលឃើញប៉ូលីសជនសង្ស័យទំលាក់ថ្នាំញៀនចោលទើបសមត្ថកិច្ចធ្វើការឃាត់ខ្លួនព្រមទាំងដកហូតថ្នាំញៀនបាន៦កញ្ចប់តែម្តង។

   ក្រោយពីឃាត់ខ្លួនសមត្ថកិច្ចបានបញ្ជូនជនសង្ស័យមកកាន់អធិការនគរបាលរដ្ឋាននគរបាលខណ្ឌទួលគោកដើម្បីចាត់វិធានការទៅតាមច្បាប់៕