សមត្ថកិច្ចប៉ូលិសកៀនស្វាយ ឃាត់ខ្លួនជនសង្ស័យម្នាក់ ដកហូតថ្នាំញៀន១៤កញ្ចប់

កណ្ដាល៖ កាលពីរសៀលថ្ងៃទី២២ ខែធ្នូ ឆ្នាំ២០១៩នេះ កម្លាំងជំនាញនៃអធិការដ្ឋានប៉ូលិសស្រុកកៀនស្វាយ បានចុះសហការគ្នាជាមួយ កម្លាំងសមត្ថកិច្ចប៉ូលិសប៉ុស្ដិ៍ឃុំបន្ទាយដែក ដោយចាប់ឃាត់ខ្លួនជនសង្ស័យ បានម្នាក់ជាមួយថ្នាំញៀន១៤កញ្ចប់ និងសម្ភារៈប្រើប្រាស់គ្រឿងញៀនជាច្រើនថែមទៀត នៅចំណុចភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្ដាល កាលពីរសៀលថ្ងៃទី២២ ខែធ្នូ ឆ្នាំ២០១៩នេះ។
ជនសង្ស័យឈ្មោះ ហេ ហាន ភេទប្រុស អាយុ២២ឆ្នាំ មុខរបរ មិនពិតប្រាកដ មានទីលំនៅបច្ចុប្បន្ន ភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល។
ចំពោះ វត្ថុតាងចាប់យករួមមាន:  ១/-ម្សៅក្រាមពណ៌សថ្លាសង្ស័យសារធាតុញៀន(ម៉ាទឹកកក) ចំនួន១៤កញ្ចប់ (មធ្យម៩កញ្ចប់ តូច៥កញ្ចប់) ២/-សម្ភារសម្រាប់ វេចខ្ចប់មួយចំនួន។  ៣/-កញ្ចាប់បារី ហ្វីន ចំនួន០១។
លោកអធិការប៉ូលិសស្រុកកៀនស្វាយ ព្រុំ សំណាង បានអោយដឹងទៀតថា កាលពីរសៀលថ្ងៃទី២២ ខែធ្នូឆ្នាំ២០១៩នេះ កំលាំងប៉ុស្តិ៍នគរបាលរដ្ឋបាលបន្ទាយដែក សហការជាមួយ កំលាំងផ្នែកប្រឆាំងបទល្មើស
គ្រឿញៀន ស្រុកកៀនស្វាយ ធ្វើការល្បាតនៅក្នុងភូមិសាស្រ្ដឃុំបន្ទាយដែក។ លុះមកដល់ចំណុចក្បែររោងអ្នកតាចិន ភូមិព្រែកប៉ុល ឃុំបន្ទាយដែក បានឃើញជនសង្ស័យឈ្មោះហេ ហាន កំពង់ឈរនៅម្នាក់ឯង ពេលឃើញកម្លាំងសមត្តកិច្ចបាន
រត់ចូលពួន នៅក្នុងព្រៃភ្លាមៗនោះ កម្លាំងសមត្ថកិច្ចមានការសង្ស័័យ ដេញតាមចាប់សួរនាំ និងធ្វើការឆែកឆេរ បានឃើញមានម្សៅក្រាមពណ៌សថ្លាសង្ស័យសារធាតុញៀនចំនួន១៤កញ្ចប់  រួចបាននាំជនសង្ស័យ មកប៉ុស្តិ៍នគរបាលរដ្ឋបាលបន្ទាយដែកធ្វើការសួរនាំ។ នៅចំពោះមុខសមត្ថកិច្ច ជនសង្ស័យបានសារភាពថា ថ្នាំញៀនម៉ាទឹកកកខាងលើ ពិតជារបស់ខ្លួនប្រាកដមែន ដែលឈ្មោះមាឃ តុងហេង(ហៅតុង ម៉េង) ភេទប្រុសអាយុ២៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល បានយកថ្នាំញៀន (ម៉ាទឹកកក) មកអោយខ្លួនទុក្ខលក់បន្ត។ ដូចនេះចំពោះជនសង្ស័យខាងលើនេះ សមត្ថកិច្ចប៉ូលិសស្រុកកៀនស្វាយ កំពុងចាត់ការតាមផ្លូវច្បាប់ផងដែរ៕