ខួបអាពាហ៍ពិពាហ៍ ៤៤ ឆ្នាំរបស់សម្តេចតេជោនិងសម្តេចកិតិ្តព្រឹទ្ធបណ្ឌិត
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានថ្លែងតាមរយៈហ្វេសប៊ុកនៅថ្ងៃទី៥មករានេះថា ថ្ងៃនេះ គឺជាខួបអាពាហ៍ពិពាហ៍ ៤៤ ឆ្នាំរបស់ខ្ញុំ (៥ មករា ១៩៧៦ – ៥ មករា ២០២០)។ ខ្ញុំតែងតែគិតថាអ្វីដែលខ្ញុំនិងភរិយាបានឆ្លងកាត់ក្នុងសម័យសង្គ្រាមគឺពុំគួរឱ្យជឿថា ខ្ញុំអាចមានជីវិតរស់នៅរហូមកដល់សព្វថ្ងៃនេះឡើយ។ កាលពីថ្ងៃទី ១៤ ខែ ធ្នូ ឆ្នាំ ២០១៩ ខ្ញុំបានផូសចេញនូវអត្ថបទប្រវត្តិរឿងពិតរបស់ខ្ញុំ និងភរិយា ទាំង២ វគ្គ ជូនបងប្អូនជនរួមជាតិបានស្វែងយល់ពីខ្សែជីវិតពិតរបស់ប្តីប្រពន្ធខ្ញុំទាំងពីរនាក់ ដែលបានឆ្លងកាត់នៅក្នុងរបបប្រល័យពូជសាសន៍ ប៉ុលពត ដែលគ្មានទេដែលហៅថាសេចក្តីសុខ រួមទាំងការស្លាប់បាត់បង់កូនទី១ជាទីស្រឡាញ់បំផុតទៀតផង។
ពិតណាស់ រឿងរ៉ាវទាំងអស់នេះគឺសុទ្ធតែរឿងរ៉ាវមិនគ្រាន់តែសម្រាប់ជីវិតខ្ញុំ និងភរិយាខ្ញុំប៉ុណ្ណោះទេ ប៉ុន្តែវាក៏ជារឿងរ៉ាវដែលបានកើតឡើងសម្រាប់ប្រជាជនកម្ពុជាទូទាំងប្រទេស ដែលបានឆ្លងកាត់សង្រ្គាម និងរបបប្រល័យពូជសាសន៍ក្នុងសម័យនោះផងដែរ។
ខ្ញុំសូមចែករំលែកនូវប្រវត្តិរឿតពិតរបស់ខ្ញុំ និងភរិយា ជូនបងប្អូនជនរួមជាតិសារជាថ្មីដូចភ្ជាប់មកខាងក្រោមនេះ៕
