ស្ត្រីអនាថាម្នាក់ ត្រូវរថយន្តកិនស្លាប់ ទាំងព្រឹកនៅតាមបណ្ដោយផ្លូវជាតិលេខ១ ខណ្ឌច្បារអំពៅ
ភ្នំពេញ ក្មេងប្រុសអាយុ១៥ឆ្នាំបើករថយន្តបែនដឹកដីបុកស្ត្រីអនាថាម្នាក់ស្លាប់ទាំងព្រឹកព្រលឹម ហេតុការណ៍គ្រោះថ្នាក់ចរាចរណ៍ខាងលើនេះកើតឡើងកាលពីវេលាម៉ោង ៧ និង៤០នាទីព្រឹកថ្ងៃទី៩ខែមករាឆ្នាំ២០២០ ស្ថិតនៅតាមបណ្ដោយផ្លូវជាតិលេខ១ក្នុងភូមិជ្រោយអំពិល១ សង្កាត់ក្បាលកោះ ខណ្ឌច្បារអំពៅ។
អ្នកបើកបររថយន្តបង្កមានឈ្មោះកៀង សីហាអាយុ ១៥ឆ្នាំទីលំនៅភូមិឫស្សីស្រុក ឃុំឈើទាល ស្រុកកៀនស្វាយ ខេត្តកណ្ដាល។ចំណែកសពស្ត្រីខាងលើមិនស្គាល់អត្តសញ្ញាណទេ។
បើតាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា នៅមុនពេលកើតហេតុគេឃើញក្មេងប្រុសខាងលើរថយន្តប្រភេទបែនដឹកដីពណ៍ឈាមជ្រូកពាក់ស្លាកលេខចង្កូតស្ដាំ pp- 1592 បើកតាមផ្លូវបណ្តោយផ្លូវជាតិលេខ១ ក្នុងទិសដៅពីលិចទៅកេីតលុះមកដល់ចំណុចកើតហេតុ អ្នកបេីករថយន្តបានបត់រថយន្តមកខាងឆ្វេងរួចក៏ឈប់ចុះទៅទិញបាយ១ប្រអប់ដើម្បីយកទៅហូបនៅការដ្ឋានកន្លែងដឹងដី ពេលដែលពេលអ្នកទិញបាយរួចហើយអ្នកបើកបររថយន្តបានឡើងបើករថយន្ដចេញទៅដោយមិនបានមើលមុខមើលក្រោយទេ បានប្រហែលជា ៥ម៉ែត្រក៏បុកនិងកិនជនរងគ្រោះបណ្ដាលឲ្យស្លាប់ភ្លាមៗនៅកន្លែងកើតហេតុតែម្ដង ភ្លាមៗនោះប្រជាពលរដ្ឋបានចាប់តៃកុងរថយន្តបានប្រគល់ឱ្យសមត្ថកិច្ចប៉ុស្តិ៍នគរបាលក្បាលកោះយកអ្នកបើកបររថយន្តទៅសួរនាំ។
ក្រោយពេលកើតហេតុសមត្ថកិច្ចប៉ុស្តិ៍នគរបាលក្បាលកោះសហការណ៍ជាមួយសមត្ថកិច្ចជំនាញផ្នែកចរាចរណ៍ខណ្ឌច្បាអំពៅបានចុះទៅវាស់វែងយករថយន្តនឹងកអ្នកបើកបរប្រគល់ឱ្យខាងការិយាល័យចរាចរណ៍ផ្លូវគោករាជធានីភ្នំពេញចំណែកសពត្រូវលោកត្រូវបានលោកមេប៉ុស្តិ៍និងលោកចៅសង្កាត់កោះបានយកទៅបូជានៅវត្តចំប៉ា។
