ស្ថានទូតអូស្រ្តាលី បានសង្កេត និងបន្តតាមដាន ដំណើរការសវនការ របស់លោក កឹម សុខា
ភ្នំពេញ៖លោក Pablo Kang ឯកអគ្គរាជទូតវិសាមញ្ញនិងពេញសមត្ថភាពថ្មី នៃប្រទេសអូស្រ្តាលី បានអញ្ជើញជួបសម្តែងការគួរសម និងសួរសុខទុក្ខ លោក កឹម សុខា នៅគេហដ្ឋាន នៅព្រឹកថ្ងៃសុក្រ ទី២៨ ខែកុម្ភៈ ឆ្នាំ២០២០។
លោក កឹម សុខា បានរំលឹក និងថ្លែងអំណរគុណដល់រដ្ឋាភិបាល និងប្រជាជនអូស្រ្តាលីដែលបានចូលរួមចំណែក និងធ្វើវិភាគទានដ៏មានតម្លៃដល់ដំណើរការស្វែងរកសន្តិភាព និងការបន្តគាំទ្រដល់ការស្តារនិងស្ថាបនាប្រទេសកម្ពុជា ជាពិសេសដំណើរការប្រជាធិបតេយ្យ និងសិទ្ធិមនុស្ស-សេរីភាពជាមូលដ្ឋាន នៅកម្ពុជា។
លោក ឯកអគ្គរាជរដ្ឋទូត បានជម្រាបថា ស្ថានទូតអូស្រ្តាលី បានសង្កេត និងបន្តតាមដានការដល់ដំណើរការសវនការរបស់លោក កឹម សុខា៕
