ឃាត់ខ្លួនជនសង្ស័យចំនួន ៣ នាក់ ពាក់ព័ន្ធនឹងការឃុបឃិតគ្នាយកដីគេ២ហិកតាលក់ដោយខុសច្បាប់
ភ្នំពេញ៖
ប្រភពពីមន្ត្រីនគរបាល នាយកដ្ឋានព្រហ្មទណ្ឌ ក្រសួងមហាផ្ទៃ បានអោយដឹងថា ជនសង្ស័យចំនួន ៣ នាក់ ដែលពាក់ព័ន្ធនឹងការឃុបឃិតគ្នាយកដីលោក ភឺន ផល្លា ទំហំជាង ២ ហិកតា លក់នៅ ភូមិ សំរោងខាងត្បូង សង្កាត់សំរោង ខណ្ឌព្រែកព្នៅ រាជធានី ភ្នំពេញ ត្រូវបានសមត្ថកិច្ច នគរបាល នាយកដ្ឋានព្រហ្មទណ្ឌ ក្រសួងមហាផ្ទៃ ឃាត់ខ្លួនបានជាបន្តបន្ទាប់នៅថ្ងៃទី ២៧ ខែ កុម្ភៈ ឆ្នាំ ២០២០ ។
បេីគ្មានការប្រែប្រួលទេ នៅនៅព្រឹកថ្ងៃទី២៩កុម្ភៈនេះ សមត្ថកិច្ចនឹងបញ្ជូនជនសង្ស័យទាំង ៣ ខាងលេីទៅកាន់ អយ្យការអមសាលាដំបូងរាជធានីភ្នំពេញ ដេីម្បីចាត់ការបន្តតាមច្បាប់ ។
បេីតាមប្រភពដដែលបានបញ្ជាក់ថា ជនសង្ស័យទាំង ៣ ខាងលេីបានយកដីលោក ភឺន ផល្លា លក់ទៅឲ្យឈ្មោះ យស ម៉ារីណា គឺគឺធ្វើតាមបញ្ជារបស់លោកអនុរដ្ឋលេខាធិការ ក្រសួងមហាផ្ទៃ មួយរូប ។
លោក ភឺន ផល្លា ជាម្ចាស់ដីបានសំណូមពរឲ្យតុលាការចាត់ជនពាក់ព័ន្ធទាំងអស់តាមផ្លូវច្បាប់ និងសុំយកដីជាកម្មសិទ្ធិរបស់លោកទំហំជាង ២ហិកតាត្រលប់មកវិញ ។
លោកផែងវណ្ណៈបានថ្លែងថា“ក្នុងរឿងនេះមានលោកជំទាវតំណាងរាស្ត្រម្នាក់នៅពីក្រោយខ្នងអ្នកទិញ ។ ទោះបីដឹងថាខ្លួនទិញដីពីចោរហេីយក៏ដោយក៏មិនព្រមប្រគល់ដីអោយម្ចាស់គេវិញដែរ ថែមទាំងទៅធ្វេីរបងព័ទ្ធយកថែមទៀតផង ។ អនុរដ្ឋលេខាធិការក្រសួងមហាផ្ទៃ នៅពីក្រោយខ្នងចោរលក់ដី ។លោកជំទាវតំណាងរាស្ត្រម្នាក់នៅពីក្រោយខ្នងអ្នកទិញដីចោរ “។
គួរបញ្ជាក់ថា បន្ទាប់ពីបែកធ្លាយរឿងចោរលួចលក់ដីទំហំជាង ២ ហិកតា របស់លោក ភឺន ផល្លា អាជ្ញាធរភូមិ សង្កាត់ បានប្រកាសលប់ចោល លិខិតផ្ទេរសិទ្ធិ ដែលពួកចោរលួចលក់ឲ្យទៅឈ្មោះ យស ម៉ារីណា វិញហេីយ ។
លោកបន្តថា“ពេលនេះចោរលក់ដីក៏ចាប់បាន អ្នកនៅពីក្រោយខ្នងចោរក៏ស្គាល់អ្នកទិញដីពីចោរក៏ស្គាល់អ្នកនៅពីក្រោយខ្នងអ្នកទិញដីពីចោរក៏ដឹង តេីច្បាប់នឹងចាត់ការអ្នកពាក់ព័ន្ធបែបណា ?”៕
