យុទ្ធនាការឃោសនាបោះឆ្នោត១៩ថ្ងៃ មានពាក្យបណ្តឹងចំនួន២៣ , ឯករណីលោកមេធាវីជូង ជូងី គ.ជ.ប កំពុងពិនិត្យ
ភ្នំពេញ៖គ.ជ.ប បានចេញសេចក្ដីប្រកាសព័ត៌មាន លេខ ១៣៣៖ ថ្ងៃទី១៩ នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ ដោយមានពាក្យបណ្តឹងចំនួន២៣បណ្តឹង ហើយដោយឡែកបណ្តឹងរបស់គណបក្សប្រជាជនកម្ពុជា ប្តឹងលោកមេធាវីជូង ជូងី គ.ជ.ប កំពុងពិនិត្យនៅឡើយ។
ថ្ងៃទី២៥ ខែកក្កដា ត្រូវជាថ្ងៃទី១៩ នៃការឃោសនារកសំឡេងឆ្នោត គណបក្សនយោបាយនីមួយៗ បានធ្វើសកម្មភាពឃោសនា នៅតាមមណ្ឌលរាជធានី ខេត្ត ហើយរហូតដល់ថ្ងៃនេះ អ្វីដែលគួរឲ្យគត់សម្គាល់នោះ គឺមានបណ្តឹងសរុបចំនួន ២៤បណ្តឹង ក្នុងនោះ ២៣បណ្តឹង ត្រូវបានដាក់នៅគណកម្មការឃុំសង្កាត់រៀបចំការបោះឆ្នោត និង១បណ្តឹង ប្តឹងផ្ទាល់មកគណៈកម្មការខេត្តរៀបចំការបោះឆ្នោត។
ចំពោះ២៣បណ្តឹង ដោះស្រាយដូចជា ៣បណ្តឹងកំពុងដោះស្រាយ ២០បណ្តឹងដោះស្រាយរួចដោយ គឃ.សប។ ប៉ុន្តែក្នុងចំណោមនោះមាន ៦បណ្តឹងបានប្តឹងបន្តមក គ.ខ.ប នឹងបើកសវនាការនៅ គ.ខ.ប ខេត្តបាត់ដំបង នៅថ្ងៃទី២៦ ខែកក្កដា វេលាម៉ោង៨ព្រឹក ដែលបណ្តឹងទាំង៥នេះពាក់ព័ន្ធនឹងយុទ្ធនាការម្រាមដៃស្អាត។ ដោយឡែក១បណ្តឹងទៀត ដែលប្តឹងផ្ទាល់មក គ.ខ.ប ត្រូវបានដោះស្រាយសះជា។
គ.ជ.ប បានបញ្ជាក់ថា ចំពោះករណីគណបក្សប្រជាជនកម្ពុជា ស្នើសុំ គ.ជ.ប ចាត់វិធានការចំពោះលោក ជូង ជូងឺ គ.ជ.ប កំពុងតែពិនិត្យ៕
