បុគ្គលឈ្មោះ កូយ សំអាត ត្រូវបញ្ជូនទៅតុលាការ ទាក់ទងផុសព័ត៌មានមិនពិត ករណីវីរុស COVID 19 ហើយអាចជាប់គុកពី ៦ខែ ដល់ ២ឆ្នាំ ពី ៦ខែ ដល់ ២ឆ្នាំ
ភ្នំពេញ៖ ស្នងការដ្ឋាននគរបាលរាជធានីភ្នំពេញ នៅរសៀលថ្ងៃទី១០ខែមីនានេះ បានឲ្យដឹងថា
បុគ្គលឈ្មោះ កូយ សំអាត ដែលផុសព័ត៌មានមិនពិត ញុះញង់បង្កឲ្យមានភាពវឹកវរដល់សង្គម ត្រូវបានបញ្ជូនទៅតុលាការ ។
ដោយទទួលបានការឯកភាព និងយល់ព្រម ពីលោកព្រះរាជអជ្ញាររង អមសាលាដំបូងរាជធានីភ្នំពេញ បុរសម្នាក់ឈ្មោះ កូយ សំអាត ភេទប្រុស អាយុ៣៥ឆ្នាំ ដែលផុសព័ត៌មានមិនពិតទាក់ទងទៅនឹងករណីវីរុស COVID 19 ដែលប្រើប្រាស់គណនីហ្វេសបុកឈ្មោះ Tep Visal ត្រូវបានឃាត់ខ្លួន និងរៀបចំសំណុំឯកសារដើម្បីបញ្ជូនទៅតុលាការនៅរសៀលថ្ងៃអង្គារ ទី១០ ខែមីនា ឆ្នាំ២០២០ ដើម្បីបន្តអនុវត្តតាមនីតិវិធីច្បាប់ ដោយចោទពីបទញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ដោយយោងតាមមាត្រា ៤៩៤-៤៩៥ នៃក្រមព្រហ្មទណ្ឌ ត្រូវផ្តន្ទាទោស ពី ៦ខែ ដល់ ២ឆ្នាំ ។
សូមបញ្ជាក់ថា វីរុសកូវីដ ១៩ ក៏អាចសម្លាប់មនុស្សបានដែរ បើយើងធ្វេសប្រហែស ។ វីរុស កូវីដ ១៩ ក៏អាចឲ្យមនុស្សជាប់គុកបានដែរ ។
អរគុណសមត្ថកិច្ចដែលបានស្រាវជ្រាវចាប់ជនបំពុលសង្គម បញ្ជូនទៅតុលាការចាត់ការតាមច្បាប់ ។ ចាប់ពីពេលនេះតទៅកុំយោគយល់ទៀត ព្រោះការយោគយល់មិនអាចឲ្យមនុស្សកែប្រែបានទេ ។
បុរសម្នាក់ ឈ្មោះ កូយ សំអាត អាយុ៣៥ឆ្នាំ ត្រូវបានសមត្ថកិច្ច ឃាត់ខ្លួន នៅថ្ងៃទី៩ មីនានេះ ករណីញុះញង់ប្រព្រឹត្តបទល្មើសជាអាទិ៍ ពាក់ព័ន្ធនឹងវីរុសកូវីដ-១៩។
ជនសង្ស័យបានសារភាព ថា ពិតជាបានបង្ហោះវីដេអូនេះ ហើយនិយាយបែបនោះមែន។ ជនសង្ស័យត្រូវបានបញ្ជូនទៅកាន់ស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី។
នៅរសៀលថ្ងៃទី៩ ខែមីនា ឆ្នាំ២០២០នេះ កម្លាំងនគរបាលខណ្ឌមានជ័យ សហការជាមួយកម្លាំងនគរបាលការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ បានតាមចាប់ខ្លួនបុរសម្នាក់មានឈ្មោះ កូយ សំអាត អាយុ៣៥ឆ្នាំ រស់នៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ ដោយបុរសរូបនេះកាលពីថ្ងៃទី៍៦ មីនាបានបង្ហោះវីដេអូឃ្លីបរបស់ខ្លួននៅលើ Account Facebook ឈ្មោះ Tep Visal ករណីញុះញង់ប្រព្រឹត្តបទល្មើសជាអាទិ៍ តាមរយៈវីដេអូឃ្លីបរបស់ខ្លួន លើបណ្តាញសង្គម Facebook ពាក់ព័ន្ធនឹងវីរុសកូវីដថ្មី។
ក្រោយបង្ហោះវីដេអូឃ្លីបខាងលើនេះ សមត្ថកិច្ចបានចាត់ទុកថា ជាករណីញុះញង់ឲ្យប្រព្រឹត្តបទល្មើសជាអាទិ៍ ពាក់ព័ន្ធនឹង COVID-19 រហូតតាមស្រាវជ្រាវចាប់ខ្លួនតែម្តង៕
