នគរបាលឃាត់ខ្លួនអ្នកបង្កហិង្សាដោយចេតនា មានស្ថានទម្ងន់ទោស និងបំផ្លាញទ្រព្យសម្បត្តិអ្នកដទៃម្នាក់ក្រោយធ្វើសកម្មភាពបានបន្តិច
បាត់ដំបង៖ ស្នងការដ្ឋាននគរបាលខេត្តបាត់ដំបង បានឲ្យដឹងថា នៅថ្ងៃទី ១៤ ខែ មេសាឆ្នាំ២០២០វេលាម៉ោង ១៧និង៥៨នាទីមានករណីហិង្សាដោយចេតនាមួយកើតឡើង នៅភូមិបឹងចែង ឃុំស្នឹង ស្រុកបាណន់ ខេត្តបាត់ដំបង ដោយក្រុមក្មេងទំនើងចំនួន២ក្រុមបានជិះម៉ូតូនិងកាំបិតផងបានបង្កការកាប់ចាក់គ្នានិងបណ្តាលឲ្យក្មេងទំនើងមួយក្រុមទទួលរងរបួសនោះគឺ៖
១-ឈ្មោះ ប៉ិច ធារា ភេទប្រុស អាយុ ១៩ ឆ្នាំរស់ នៅភូមិអង្គ សង្កាត់អូរចារ ក្រុងបាត់ដំបងខេត្តបាត់ដំបង(របួសស្រាល)។
២-ឈ្មោះ ណង សុថៃលិក ភេទប្រុស អាយុ ២០ឆ្នាំ នៅសង្កាត់វត្តគរ ក្រុងបាត់ដំបងខេត្តបាត់ដំបង( របួសស្រាល )។
៣-ឈ្មោះ វ៉ាន់ សុធី ភេទប្រុស អាយុ២៧ឆ្នាំ រស់នៅសង្កាត់ទួលតាឯក ក្រុងបាត់ដំបង ខេត្តបាត់ដំបង(របួសធ្នន់ ) ។
នៅពេលទទួលរងរបួសដោយករណីខាងលើហើយក្រុមជនរងគ្រោះបានជិះម៉ូតូគេចខ្លួនមកដល់ ភូមិសំរោង ឃុំស្នឹង ស្រុកបាណន់ក៏ស្រាប់តែក្រុមជនល្មើសដដែលបានតាមមកទាន់ហើយធ្វើសកម្មភាពវាយបំផ្លាញបំផ្លាញម៉ូតូរបស់ក្រុមរងគ្រោះ០១គ្រឿង ម៉ាកវីវ៉ា ពណ៌ស ពាក់ស្លាលលេខ ភ្នំពេញ 1C.8555 របស់ជនរងគ្រោះឈ្មោះ ណង សុថៃលិក ខាងលើបណ្ដាលអោយខូចខាតយ៉ាងដំណំ ។
នៅក្រោយពេលកើតហេតុភ្លាមៗតាមបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុន ស្នង ការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទ័ណ្ឌ បានបញ្ជាដឹកនាំដល់អធិ ការនគរបាលស្រុកបាណន់ ធ្វើការស្រាវជ្រាវ រហូតឈានទៅធ្វើការឃាត់ខ្លួនជនសង្ស័បានម្នាក់ក្នុងចំណោមបក្សពួកផ្សេងទៀត។
ជនសង្ស័យឈ្មោះ យឿន សុខលីន ភេទប្រុស អាយុ២៣ឆ្នាំ នៅភូមិក្រពើជើង ឃុំភ្នំសំពៅ ស្រុកបាណន់ ខេត្តបាត់ដំបង។
បច្ចុប្បន្នជនសង្ស័យកំពុងធ្វើការស្រាវជ្រាវនិង ចាត់ការទៅតាមផ្លូវច្បាប់ ចំពោះបក្សពួកផ្សេង ទៀតនគរបាលកំពុងស្រាវជ្រាបន្ត៕
