មន្ទីរសង្គមកិច្ច រាជធានីភ្នំពេញយក អំណោយរបស់ អភិបាលរាជធានីទៅប្រគល់ជួន កុមារកំព្រា កុមារគថ្លង់ និងកុមារក្រីក្រ ដែលកំពុងជួបការខ្វះខាត
ភ្នំពេញ៖ អំណោយជាគ្រឿងហូបចុកនិងសម្ភារៈប្រើប្រាស់សម្រាប់សំអាតខ្លួនប្រាណ ដូចជាសាប៊ូ និងនំស្រួយ របស់ លោក ឃួង ស្រេង អភិបាល នៃគណៈអភិបាលរាជធានីភ្នំពេញ យ៉ាងច្រើនសន្ធឹកសន្ធាប់ នាថ្ងៃទី១៤មេសា ២០២០ ម្សិលម៉ិញនេះត្រូវបាន លោកស្រី មុំ ចាន់ដានី ប្រធាន មន្ទីរសង្គមកិច្ច រាជធានីភ្នំពេញ យកទៅផ្តល់ជួន កុមារកំព្រា កុមារគថ្លង់ និងកុមារក្រីក្រ នៅតាមចិញ្ចើមថ្នល់ ដែលកំពុងតែថែទាំ និងថែទាំជំនួសនៅតាមមណ្ឌល និងសហគមន៏ ។លោកស្រី មុំ ចាន់ដានី ប្រធានមន្ទីរ សង្គមកិច្ច រាជធានីភ្នំពេញ តំណាងអោយ កុមារកំព្រា កុមារគថ្លង់ ក៏ដូចជាតំណាងអោយមណ្ឌលនានា សូមគោរពថ្លែងអំណរគុណយ៉ាងជ្រាវជ្រៅ ជូនចំពោះ លោក ឃួង ស្រេង អភិបាល នៃគណៈអភិបាលរាជធានីភ្នំពេញ ដែលបានឧបត្ថម្ភសាប៊ូដុំចំនួន ៥កេសធំ ស្មើនិង៣៦០ដុំតូច,នំផ្អែមសុខភាពលីលីចំនួន៦០កេស, និងនំស្រួយចំនួន ៤០ថង់ធំ គឺក្នុង១ថង់ធំមានចំនួន១០០កញ្ចប់ ជូនដល់កុមារកំព្រា កុមារគ-ថ្លង់ និងកុមារក្រីក្រ ដែលកំពុងជួបការខ្វះខាតនាពេលនេះ។
លោកស្រី បានមានប្រសាសន៍លើកឡើងថា នេះជាការយកចិត្តទុកដាក់ខ្ពស់របស់លោក ឃួង ស្រេង អភិបាលរាជធានីភ្នំពេញ ទោះជាលោកមានការរវល់ និងមមាញឹកយ៉ាងណាក៏មិនភ្លេចពីសុខទុក្ខរបស់ប្រជាពលរដ្ឋ និងកុមារកំព្រា កុមារគថ្លង់ និងកុមារក្រីក្រឡើយ ។
អំណោយទាំងនោះត្រូវបានយកទៅជូន បន្តទៅដល់ មណ្ឌលគ្រួសារថ្មី គ-ថ្លង់ ទទួលបាននំផ្អែមសុខភាព និងនំស្រួយលីលីចំនួន៥០កេសធំ និងសាប៊ូដុំលាងដៃចំនួន២កេសធំ ស្មើ ១៤៤ ដុំតូច ,មណ្ឌលកុមារកំព្រាភ្នំពេញថ្មី នំផ្អែមលីលី ចំនួន ២០កេះ សាប៊ូដុំលាងដៃចំនួន ១កេះធំ ស្មើ៧២ ដុំតូច , មជ្ឈមណ្ឌលកូលាបទី៤ ទទួលបាននំផ្អែមសុខភាព និងនំស្រួយលីលីចំនួន២០កេសធំ, សាប៊ូដុំលាងដៃចំនួន១កេសធំ ស្មើ
៧២ដុំតូច និងមណ្ឌលកុមារកំព្រា(KKEV) ទទួលបាននំផ្អែមសុខភាព នំស្រួយលីលី ចំនួន១០កេសធំ, និង សាប៊ូដុំលាងដៃចំនួន១កេសធំ ស្មើ៧២ដុំតូចផងដែរ ៕