នគរបាលខណ្ឌច្បារអំពៅ ចាប់ខ្លួនជនសង្ស័យម្នាក់ ក្រោយឆក់កាបូបរត់គេចខ្លួនបានមួយថ្ងៃ

ភ្នំពេញ ៖ ជនសង្ស័យជាចោរឆក់ម្នាក់ ត្រូវកម្លាំងនគរបាលខណ្ឌច្បារអំពៅ ឃាត់ខ្លួន បន្ទាប់ពីធ្វើសកម្មភាពឆក់កាបូបពីនារីម្នាក់ នៅមុខស្ថានីយ៍ប្រេងឥន្ធនៈណារ័ត្ន ផ្លូវ៣៦៩ ភូមិព្រះពន្លា សង្កាត់ ព្រែកប្រា ខណ្ឌច្បារអំពៅ កាលពីថ្ងៃទី២៥-០៤-២០២០ ម៉ោង០០និង៣០នាទី។

ជនរងគ្រោះឈ្មោះ ប៉ុន ស៊ីដែត ភេទស្រី អាយុ៣២ឆ្នាំ ជនជាតិខ្មែរ មុខរបរនៅផ្ទះ ស្នាក់នៅភូមិអូរអណ្តូង សង្កាត់ព្រែកប្រា ខណ្ឌច្បារអំពៅ។

ជនសង្ស័យឃាត់ខ្លួនឈ្មោះយន់ មាស ភេទ ប្រុស អាយុ២៥ឆ្នាំ ជាតិខ្មែរ មុខរបររត់ម៉ូតូកង់បី ស្នាក់នៅភូមិតាងៅ សង្កាត់ និរោធ។

ហេតុការណ៍ ៖ មុនពេលកើតហេតុជនរងគ្រោះ និងប្តីជិះម៉ូតូទៅផ្សារច្បារអំពៅ ពេលមកដល់ចំណុចកើតហេតុ ស្រាប់តែ មានជនសង្ស័យ០២នាក់ ពាក់មួកការពារពណ៌ខ្មៅ ជិះម៉ូតូ១គ្រឿង ម៉ាកហុងដា សេ១២៥ ពណ៌ខ្មៅ មិនចាំផ្លាកលេខមកពីក្រោយអែបខាងស្តាំ រួចធ្វើសកម្មភាពឆក់កាបូបស្ពាយជនរងគ្រោះដាក់លើភ្លៅ ក្នុងកាបូបមាន ៖ ទូរស័ព្ទដៃ២គ្រឿង (ម៉ាក iPhone ១១-Pro Max ពណ៌ទឹកមាស, ម៉ាកNokia ពណ៌ ក្រហម), លុយខ្មែរ ១០ម៉ឺនរៀល បានសម្រេចជិះគេចខ្លួន ពេលនោះប្តីជនរងគ្រោះស្គាល់ជនសង្សយ័ច្បាស់ ឈ្មោះ យន់ មាស និងឈ្មោះសីហា (ធ្លាប់ដើរលេងជាមួយគ្នាកន្លងមក) ក៏ជិះម៉ូតូដេញតាមមកដល់ម្តុំផ្ទះឈ្មោះ យន់ មាស ស្នាក់នៅ ដោយមានភាពងងឹតខ្លាំងហើយ ស្ងាត់ទៀត ជនរងគ្រោះក៏ត្រលប់ទៅផ្ទះវិញ។ លុះព្រឹកឡើងជនរងគ្រោះក៏មករាយការណ៍ប្តឹងសមត្ថកិច្ច។ រហូតដល់ថ្ងៃទី២៨-០៤-២០២០ ម៉ោង២០និង០០នាទី សមត្ថកិច្ចយើងឃាត់ខ្លួនបានជនសង្ស័យម្នាក់ឈ្មោះ យន់ មាស នៅភូមិតាងៅ សង្កាត់និរោធ ខណ្ឌច្បារអំពៅ បញ្ជូនមកអធិការដ្ឋាននគរ បាលខណ្ឌច្បារអំពៅ ធ្វើការសាកសួរ។