ប្រទះឃើញសាកសពក្មេងស្រីអាយុ៧ឆ្នាំម្នាក់ ក្នុងគុម្ពោតព្រៃដោយសង្ស័យករណីឃាតកម្ម
ពោធិ៍សា
ត់ ៖ សាកសពក្មេងស្រីម្នាក់ ត្រូវបានប្រជាពលរដ្ឋប្រទះឃើញស្លាប់ក្នុងគុម្ពោតព្រៃ ស្ថិតនៅភូមិព្រែក ឃុំរាំងទិល ស្រុកកណ្តៀង ខេត្តពោធិសាត់ ធ្វើឲ្យមានការភ្ញាក់ផ្អើលដល់អ្នកស្រុកនិងសមត្ថ កិច្ចចុះដល់កន្លែងកើតហេតុ។
តាមរបាយការណ៍របស់សមត្ថកិច្ចបានបញ្ជាក់ថា យោងតាមការពិនិត្យនិងធ្វើកោសល្យវិច័យ្ចរបស់សមត្ថកិច្ច សាកសពក្មេងរងគ្រោះ ឈ្មោះ រ៉ង ស្រីពេជ្រ ភេទស្រី អាយុ០៧ឆ្នាំ ជនជាតិខ្មែរមានទីលំនៅភូមិព្រែក ឃុំរាំងទិល ស្រុកកណ្តៀង ខេត្តពោធិសាត់ មានម្តាយឈ្មោះចាប់ រ៉ាឌីន អាយុ ២៩ ឆ្នាំ ចំពោះឪពុកបានស្លាប់ចោលគាត់តាំងពីតូច ករណីឃាតកម្មនេះ កើតឡើងនៅចំណុចខាងលើនាវេលាម៉ោង១២ទៅម៉ោង១៣ ថ្ងៃទី៦ ខែឧសភា ឆ្នាំ២០២០ ។
សមត្ថកិច្ចបានសន្និដ្ឋានថា សាកសពជនរងគ្រោះឈ្មោះ រ៉ង ស្រី ពេជ្រ ក្រោយពេលពិនិត្យយ៉ាងយកចិត្តទុកដាក់របស់សមត្ថកិច្ចជំនាញសាកសពជនរងគ្រោះបានប្រគល់ជូនក្រុមគ្រួសារ ដើម្បីធ្វើបុណ្យតាមប្រពៃណី។
សមត្ថកិច្ចមូលដ្ឋានបានបន្តទៀតថា ចំពោះករណីនេះ សមត្ថកិច្ច កំពុងសហការស៊ើបអង្កេតស្រាវជ្រាវវែករក មុខសញ្ញាដៃដល់ ដើម្បីចាប់យកមក បំពេញបែបបទផ្តន្ទាទោសរកយុត្តិធម៌ជូនជនរងគ្រោះ ៕ដោយ៖បញ្ញាស័ក្តិ