កំពុងអូសរទេះ លក់ប្រហិតចៀន តាមផ្លូវសុខៗដួលប្រកាច់បាត់មាត់បាត់ក ត្រូវបានជួយសង្គ្រោះ ដឹកបញ្ជូនទៅមន្ទីរពេទ្យ

ភ្នំពេញ៖ បុរសម្នាក់ត្រូវបានប្រជាពលរដ្ឋនិងកម្លាំងសន្តិសុខសណ្តាប់ធ្នាប់សាលាខណ្ឌទួលគោកជួយសង្គ្រោះ ដោយដឹកបញ្ជូនទៅកាន់មន្ទីរពេទ្យព្រះកុសុមៈ ខណៈដែរបុរសម្នាក់នេះកំពុងអូសរទេះ លក់ប្រហិតចៀនតាមផ្លូវ ហើយបានដួលប្រកាច់បាត់មាត់បាត់ក ដួលទៅលើដីនោះ។

  ហេតុការណ៍នេះបានបង្កើតឲ្យមានការភ្ញាក់ផ្អើលឡើងកាលពីព្រឹកថ្ងៃទី០៨ ឧសភា ២០២០ ម៉ោង ០៩និង១៥នាទី នៅចំនុចមុខបណ្ណល័យហ៊ុនសែន ផ្លូវ ៥៩៨ ភូមិ១៦ក្រុម៦២សង្កាត់ទឹកល្អក់ទី១ខណ្ឌទួលគោក រាជធានីភ្នំពេញ ។

  ជនរគ្រោះ មាន ឈ្មោះ ណុច ភេទប្រស អាយុ ៣១ឆ្នាំ មុខរបរ លក់ ប្រហិតចៀន តាមរម៉ក ។

   សាក្សីនៅកន្លែងកើតហេតុបានអោយដឹងថា នៅមុនពេលកើតហេតុ គេបានឃើញបុរសម្នាក់នេះអូសរទេះលក់ប្រហិតចៀនតាមផ្លូវខាងលើ លុះអូសលក់មកដល់កន្លែងកើតហេតុក៏បានដួលប្រកាច់បាត់មាត់បាត់កទៅលើដីតែម្តងភ្លាមៗនោះ ប្រជាពលរដ្ឋនិងកម្លាំងសន្តិសុខសណ្តាប់ធ្នាប់សាលាខណ្ឌទួលគោកក៏បានជួយសង្គ្រោះ ដោយដឹកបញ្ជូនទៅកាន់មន្ទីរពេទ្យព្រះកុសុមៈ ភ្លាមដែរ៕