ជនសង្ស័យម្នាក់ ចូលក្នុងបរិវេនផ្ទះគេ ដើររើកកាយរកលួចសម្ភារៈ

ភ្នំពេញ៖នគរបាលចាប់ជនល្មលសម្នាក់ករណីលួចសម្ភារៈ(មិនសម្រេច) នៅចំណុចផ្ទះលេខ១៥៥ផ្លូវ៣៦៩ភូមិដើមចាន់សង្កាត់ច្បារអំពៅ២ខណ្ឌច្បារអំពៅថ្ងៃទី០៩– ០៥–២០២០ម៉ោង០៥និង០០នាទីទៀបភ្លឺ។

ជនរងគ្រោះឈ្មោះកេតសៀមភេទស្រីអាយុ៥៤ឆ្នាំជនជាតិខ្មែរមុខរបរមេផ្ទះស្នាក់នៅផ្ទះកើតហេតុ។

ជនសង្ស័យឈ្មោះផុនម៉ៅភេទប្រុសអាយុ២០ឆ្នាំជនជាតិខ្មែរមុខរបរមិនពិតប្រាកដស្នាក់នៅភូមិដើមចាន់សង្កាត់ច្បារអំពៅ២ខណ្ឌច្បារអំពៅ។

ហេតុការណ៍៖មុនពេលកើតហេតុជនរងគ្រោះបានចាក់សោទ្វារផ្ទះ(ចំណុចកើតហេតុ) រួចចូលដេកក្នុងផ្ទះ។រហូតដល់ម៉ោង០៥និង០០នាទីទៀបភ្លឺថ្ងៃទី០៩–០៥–២០២០ស្រាប់តែជនសង្ស័យជិះកង់មកឈប់មុខផ្ទះរួចចូលក្នុងបរិវេនផ្ទះដើររើកកាយរកលួចសម្ភារៈពេលនោះក៏ត្រូវបានជនរងគ្រោះភ្ញាក់ដឹងខ្លួនឃើញស្រែកចោរៗនាំគ្នាចាប់ខ្លួនជនសង្ស័យរួមនិងកង់១គ្រឿងប្រគល់ឲ្យសមត្ថកិច្ចចាត់ការតាមច្បាប់។

កន្លងមកជនសង្ស័យធ្លាប់ជាប់ពន្ធនាគារព្រៃស០១ឆ្នាំ(២០១៩) ពីបទ៖លួច។ជនសង្ស័យប្រើប្រាស់គ្រឿងញៀន៕