កំពុងឈរនៅមុខបន្ទប់លក់គ្រឿងញៀននគរបាល ចុះបង្ក្រាបបានថ្នាំ៣៣កញ្ចប់ វាយខ្នោះយកមកប៉ុស្តិ៍រដ្ឋបាល
ភ្នំពេញ : កម្លាំងនគរបាលបង្ក្រាបបានជនសង្ស័យម្នាក់ដែលជួញដូរគ្រឿងញៀនខុសច្បាប់និងធ្វើការដកហូតបានថ្នាំក្រាមសថ្លាចំនួន៣៣កញ្ចប់ថង់តូចសង្ស័យគ្រឿងញៀនឃាត់ខ្លួនយកមកសាកសួរនាំហេតុការនេះកើតឡើង កាលវេលាម៉ោង៥និង៣០នាទីល្ងាចថ្ងៃទី០៣ ខែ មិថុនា ឆ្នាំ ២០២០នៅចំណុច បន្ទប់ជួលគ្មានលេខ ស្ថិតនៅភូមិព្រែកតាឡុង១ សង្កាត់ចាក់អង្រែក្រោម ខណ្ឌមានជ័យ ។
លោក វុឌ្ឍ ផូសារវ័ន្ត នាយប៉ុស្តិ៍ចាក់អង្រែក្រោម បានអោយដឹងថាដោយកម្លាំងនគរបាលប៉ុស្តិ៍សហការជាមួយកម្លាំងអន្តរាគមន៍ខណ្ឌចុះល្បាតក្នុងមូលដ្ឋានតំបន់ស្មុកស្មាញជាពិសេសតំបន់លួចជក់ប្រើប្រាស់គ្រឿងញៀនលុះមកដល់បន្ទប់ជួលខាងលើបុរសម្នាក់ឃើគញនគរបាលយកបំរុងរត់គេចរួចនាំឃាត់ឈ្មោះ រិទ្ធ សុវណ្ណរ៉ា ភេទប្រុស អាយុ ៣២ឆ្នាំ មុខរបរមិនពិតប្រាកដ ស្នាក់នៅបន្ទប់ជួលកើតហេតុខាងលើនិងសុំឆែកត្រួតពិនិត្យរួចរកឃើញថ្នាំក្រាមសថ្លាចំនួន៣៣កញ្ចប់ថង់តូចរួមនិងជញ្ជីងអេឡិចត្រូនិច កូនថង់ប្លាស្ទិក មួយចំនួនហើយឧបករណ៍សំរាប់ជក់គ្រឿងញៀននិងមកនគរបាលប៉ុស្តិ៍ដើម្បីសាកសួរនាំ ។
នគរបាលបន្តថាករណីខាងលើក្រោយពីបង្ក្រាបបានជនសង្ស័យក៏បានទទួលស្គាល់វត្ថុតាងខាងលើបានទិញ១កញ្ចប់ថង់ធំយកមករំលែកជាកញ្ចប់តូចៗដើម្បីយកទៅចែកចាយលក់បន្តតែពេលឈរនៅមុខបន្ទប់ជួលក៏នគរបាលចុះមកដល់បន្ទប់ខ្លួនតែម្ដងបច្ចុប្បន្នជនសង្ស័យឃាត់ខ្លួនពីបទជួញដូរនូវសារធាតុញៀនខុសច្បាប់រួមនិងវត្ថុតាងខាងលើនិងកសាងសំណុំរឿងបញ្ជូលទៅអធិការដ្ឋាននគរបាលខណ្ឌដើម្បីចាត់ការតាមផ្លូវច្បាប់ ។
