ស្លាប់៣នាក់ ពេលពួកគេបានជិះម៉ូតូមួយគ្រឿង ក្នុងល្បឿនលឿន ជ្រុលទៅបុកគូថរថយន្តចំពីក្រោយ
ស្រុកស្នួល៖ ជនរងគ្រោះប្រុស-ស្រី៣នាក់ បានស្លាប់បាត់បង់ជីវិតនៅនិងកន្លែង កើតហេតុ ខណៈពួកគេបានជិះម៉ូតូមួយគ្រឿង ក្នុងល្បឿនលឿន ជ្រុលទៅបុកគូថរថយន្តចំពីក្រោយពេញមួយទំហឹង បណ្តាលឲ្យបោកក្បាលស្លាប់ នៅលើផ្លូវជាតិលេខ៧ ត្រង់ចំណុចភូមិឃ្សឹមក្រៅ ឃុំឃ្សឹម ស្រុកស្នួល កាលពីយប់ថ្ងៃទី៥ ខែមិថុនា ។
ស្នងការដ្ឋាននគរបាលខេត្តក្រចេះ បានឲ្យដឹងថា ម៉ូតូមួយគ្រឿងនេះ បើកបរដោយឈ្មោះរិន ប៊ុនរឿន ភេទប្រុស អាយុ ១៨ឆ្នាំ ទីលំនៅភូមិក្បាលស្នួល ឃុំស្នួល ស្រុកស្នួល (ស្លាប់នៅនឹងកន្លែងកើតហេតុ) នឹងអ្នករួមដំណើរ ពីរនាក់ ទី១ ឈ្មោះ នី ស្រីទូច ភេទស្រី អាយុ ១៨ឆ្នាំ មានទីលំនៅភូមិក្រវ៉ាញ ឃុំ២ធ្នូ ស្រុកស្នួល (ស្លាប់នៅនឹងកន្លែងកើតហេតុ) ទី២ ឈ្មោះ សៅ វណ្ណឌី ភេទស្រី អាយុ១៧ឆ្នាំ មានទីលំនៅភូមិក្បាលស្នួល ឃុំស្នួល ស្រុកស្នួល (ស្លាប់នៅនឹងកន្លែងកើតហេតុ)។
ក្រោយកើតហេតុការណ៍ រថយន្តដែលចតស្ងៀម និងត្រូវក្រុមជនរងគ្រោះជិះម៉ូតូបុក រហូតស្លាប់បាត់បង់ជីវិតទាំង៣នាក់ បានបើកចេញពីកន្លែងកើតហេតុ ដើម្បីគេចខ្លួន តែនគរបាលកំពុងតែស្រាវជ្រាវរកអត្តសញ្ញាណ៕
