ឃាត់ខ្លួនជនសង្ស័យម្នាក់ជួញគ្រឿងញៀនជាង ១ គីឡូក្រាម
ភ្នំពេញ ៖ កម្លាំងជំនាញ (ក៧)របស់មន្ទីរប្រឆាំងបទល្មើសគ្រឿងញៀន នៅថ្ងៃទី៦ខែមិថុនាឆ្នាំ២០២០នេះ បានឲ្យដឹងថាកម្លាំងជំនាញ (ក៧) របស់មន្ទីរប្រឆាំង បទល្មើសគ្រឿងញៀន បានបើកកិច្ចប្រតិបត្តិការ ស៊ើបអង្កេត ស្រាវជ្រាវ បង្ក្រាបឃាត់ខ្លួនជនសង្ស័យម្នាក់ និងគ្រឿងញៀនជាង ១ គីឡូក្រាម ។
មន្ទីរប្រឆាំងបទល្មើសគ្រឿងញៀន បានបន្តថា ជនសង្ស័យ ១នាក់ និងគ្រឿងញៀន ១ គីឡូក្រាម ត្រូវកម្លាំងជំនាញមន្ទីរ បង្ក្រាប
នៅវេលាម៉ោង២១និង៣០នាទី ថ្ងៃទី៤ ខែមិថុនា ឆ្នាំ២០២០ កម្លាំងជំនាញ (ក៧) របស់មន្ទីរប្រឆាំង បទល្មើសគ្រឿងញៀន ដឹកនាំដោយលោកនាយករងឧត្តមសេនីយ៍ទោ សឿង ណុល និងមានការសម្របសម្រួលពីលោកព្រះរាជអាជ្ញារង សឿន មុនីរ័ត្ន បានបើកកិច្ចប្រតិបត្តិការ ស៊ើបអង្កេត ស្រាវជ្រាវ បង្ក្រាប នៅបណ្តោយផ្លូវម៉ៅសេទុង ត្រង់ចំណុច ស្តុបម៉ុងឌីយ៉ាល់ ស្ថិតក្នុងសង្កាត់ផ្សារដើមគរ ខ័ណ្ឌទួលគោក រាជធានីភ្នំពេញ។
ឃាត់ខ្លួនជនសង្ស័យ ឈ្មោះ សុង ហួផេង ភេទប្រុស អាយុ២៧ឆ្នាំ ជនជាតិ ខ្មែរ សមត្ថកិច្ចចាប់យក វត្ថតាងគ្រឿងញៀនមេតំហ្វេតាមីនប្រភេទទឹកកក(ICE) ទម្ងន់សុទ្ធ ១០០៤,៦៧ក្រាម ទូរស័ព្ទចំនួន ១គ្រឿង៕
