បុរសជនជាតិខ្មែរអាយុ ២៦ឆ្នាំ ជាសះស្បើយពីជំងឺកូវីដ១៩
ភ្នំពេញ៖ ក្រសួងសុខាភិបាល បានប្រកាសករណីជាសះស្បើយ ចំនួន១នាក់ និងមិនមានករណីវិជ្ជមានជំងឺកូវីដ១៩ ថ្មី នៅថ្ងៃទី៨ ខែមិថុនា ឆ្នាំ ២០២០នេះ។
ករណីជាសះស្បើយមានចំនួន ១នាក់ បុរសជនជាតិខ្មែរអាយុ ២៦ឆ្នាំរស់នៅភូមិរកាពប្រាំ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំជាសិស្សដែលបានធ្វើត្រឡប់មកពីប្រទេសថៃឆ្លងកាត់ ច្រកព្រំដែនអូរបីជាន់ ចូលមកក្នុងខេត្តបន្ទាយមានជ័យ ដែលត្រូវបានជាសះស្បើយ ដោយទទួលបានលទ្ធផលតេស្តអវិជ្ជមានវីរុសកូវីដ១៩ ចំនួន ២ដង ។
បច្ចុប្បន្នបុរសរូបនេះ ត្រូវបានអនុញ្ញាតឲ្យចេញពីមន្ទីរពេទ្យខេត្តកម្ពុជា-ជប៉ុនមង្គលបូរី នៃខេត្តបន្ទាយមានជ័យ៕
