នៅសល់តែ ២២ ថ្ងៃទៀត នឹងអនុវត្តការផាកពិន័យលើសេវាសាធារណ:ដឹកជញ្ជូនផ្លូវគោកដែលហួសសុពលភាព
ភ្នំពេញ៖ ក្រសួងសាធារណការ និងដឹកជញ្ជូន បានឲ្យបានថា នៅសល់ ២២ ថ្ងៃទៀត ការអនុវត្តពិន័យលើសេវាសាធារណៈដឹកជញ្ជូន នឹងចាប់អនុវត្ត។ ក្នុងនោះក្រសួងសូមឲ្យបងប្អូនមេត្តារួសរាន់មកធ្វើការបន្តសុពលភាពសេវាសាធារណៈ ឲ្យបានមុនថ្ងៃទី១ ខែកក្កដា ឆ្នាំ២០២០។
ក្រសួងប្រកាសថាការពិន័យលើសេវាសាធារណ:ដឹកជញ្ជូនមានដូចជា៖ លិខិតអនុញ្ញាតឱ្យធ្វើអាជីវកម្មដឹកជញ្ជូន ការចុះបញ្ជីរថយន្ត AT (រថយន្តនាំចូលក្រោមរបបអនុញ្ញាតនាំចូលបណ្តោះអាសន្ន) ឡើងវិញ, ការត្រួតពិនិត្យលក្ខណៈបច្ចេកទេសយានយន្តគ្រប់ប្រភេទ និងអាជីវកម្មត្រួតពិនិត្យលក្ខណៈបច្ចេកទេសយានយន្ត និង បណ្ណបើកបរយានយន្ត វិញ្ញាបនបត្របញ្ជាក់សមត្ថភាពគ្រូបង្រៀនបើកបរយានយន្ត និងលិខិតអនុញ្ញាតឱ្យធ្វើអាជីវកម្មបង្រៀនបើកបរយានយន្ត៕
