យកគ្រាប់មីន ប្រមូលចងព្យួរលម្អពេញដើមឈើក្បែរផ្ទះ
គ្រួសារមួយ បានធ្វើឲ្យគ្រប់គ្នាផ្ទុះការភ្ញាក់ផ្អើល និងហួសចិត្តយ៉ាងខ្លាំងតែម្តង ព្រោះតែមិននឹកស្មានថា ពួកគាត់ចាស់ៗអស់ហើយ បែរជាមិនដឹងខ្យល់អ្វីសោះ ដើរប្រមូលគ្រាប់មីនដែលជាសំណល់គ្រាប់មិនទាន់ផ្ទុះ មករក្សាទុក ជាពិសេសចងព្យួរលម្អពេញដើមដើមឈើជុំវិញផ្ទះបែបនេះ។
ហេតុការណ៍ដ៏ហួសវាចារនឹងថ្លែងនេះ បានកើតឡើងថ្ងៃទី១០ ខែមិថុនា ឆ្នាំ២០២០ នៅភូមិទំនប់ដាច់ឃុំអូរ៣ជាន់ស្រុកអូរជ្រៅ ខេត្តបន្ទាយមានជ័យ។
នេះចាត់ទុកជាសំណាងហើយ ដែលគ្រាប់មីនទាំងនេះមិនទាន់ផ្ទុះ ឬ គ្មានក្មេងៗលេងវា ដែលបណ្តាលឲ្យងាយផ្ទុះបំផុត។ ហេតុនេះ សូមអំពាវនាវប្រជាពលរដ្ឋ ត្រូវមានការយល់ដឹងអំពីគ្រោះថ្នាក់សំណល់គ្រាប់មីន និងរួមគ្នាការពារសុវត្ថិភាពពីគ្រាប់មីនទាំងអស់គ្នា ជាពិសេសនៅពេលបានឃើញអ្នកណាម្នាក់ប្រើប្រាស់ ឬរក្សាទុកគ្រាប់មីនត្រូវរាយការណ៍មកសមត្ថកិច្ចរួមមានអាជ្ញាធរមូលដ្ឋាន ឬកម្លាំងស៊ីម៉ាក់ជាបន្ទាន់ដើម្បីដោះស្រាយបញ្ហានេះ៕
