ស្ត្រីជនជាតិចិនម្នាក់ បម្រុងលោតសម្លាប់ខ្លួន ពីលើស្ពានកោះពេជ្រ តែសមត្ថកិច្ចជួយទាន់ , នាងប៉ុនប៉ងសម្លាប់ខ្លួន២លើកមកហើយ
ភ្នំពេញ៖ ស្ត្រីជនជាតិចិនម្នាក់ បានរត់តោងទៅលើបង្កាន់ដៃស្ពានកោះពេជ្រ បម្រុងលោតសម្លាប់ខ្លួន តែត្រូវបានកម្លាំងសមត្ថកិច្ចជួយចាប់ទាន់ពេលវេលា។ កណីនេះកើតឡើងនៅលើស្ពានកោះពេជ្រ ក្នុងមូលដ្ឋានសង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីម៉ោងជិត១១យប់ នាថ្ងៃទី១២ ខែមិថុនា ឆ្នាំ២០២០នេះ។
ស្ត្រីជនជាតិចិនរូបនោះ គ្មាននរណាស្គាល់ឈ្មោះនាងនោះទេ ហើយក៏មិនដឹងថាមានវិបត្តិអ្វីដែរ បានជាបម្រុងលោតសម្លាប់ពីលើស្ពានកោះពេជ្រ ដោយគាត់ស្រែទ្រហោយំផ្អើលគេ ទាំងកណ្ដាលអធ្រាត្រ។
អាជ្ញាធរខណ្ឌចំការមន បានប្រាប់ឲ្យដឹងនៅព្រឹកថ្ងៃទី១៣ ខែមិថុនានេះថា សមត្ថកិច្ចប៉ូលិសមូលដ្ឋាន បានបញ្ជូនខ្លួនទៅកាន់ការិយាល័យគ្រប់គ្រងជនបរទេស នៅយប់រំលងអធ្រាត្រឈានចូលថ្ងៃទី១៣ ខែមិថុនានេះ។ ស្ត្រីជនជាតិចិនរូបនេះ បានព្យាយាមមកលោតសម្លាប់ខ្លួនពីលើស្ពានកោះពេជ្រនេះចំនួន២លើកមកហើយ ហើយត្រូវបានសមត្ថកិច្ចជួយទាន់ជាលើកទី២ ៕
