បង្ក្រាបល្បែងស៊ីសងលេងបៀរ ចាប់បានតែវត្ថុតាង ឯអ្នកលេងស្បែងរត់បាត់អស់
ភ្នំពេញ៖ បង្ក្រាបល្បែងស៊ីសងលេងបៀរនៅថ្ងៃសុក្រទី ១២ ខែមិថុនាឆ្នាំ២០២០វេលាម៉ោង១៥និង៣០នាទី-នៅចំណុច ព្រៃដើមគគីរក្រោយចេតីយ៏ស្ថិតក្នុងភូមិព្រែកថ្មី ឃុំជ្រោយតាកែវ ស្រុកកោះធំ។ ជនសង្ស័យ មិនស្គាល់អត្តសញ្ញាណគេចខ្លួន។
វត្ថុតាងចាប់យក បៀរចំនួនសល់០៩សន្លឹក កម្រាលក្រណាត់២ផ្ទាំងកន្ទេលអង្គុយលេង៤ស្បែកជើង៤គូ
កៅស៊ូប្រក់ដំបូល១ផ្ទាំង។
សភាពរឿងហេតុនៅវេលាម៉ោង១៥និង២០នាទី កំលាំងប៉ុស្តិ៍សហការជាមួយកំលាំងប្រជាការពារ ចេញល្បាតក្នុងភូមិសាស្ត្រ ក៏ទទួលពត៏មានពីមហាជនល្អ បានរាយការណ៍តាមទូរស័ព្ទប្រាប់សមត្ថកិច្ចប៉ុស្តិ៍ជ្រោយតាកែវថា មានអ្នកលេងល្បែងសីសង(បៀរ) ភ្នាល់ដាក់លុយក្នុងព្រៃគគីរ ក្រោយចេតិយ ស្ថិតក្នុងភូមិព្រែកថ្មី ឃុំជ្រោយតាកែវ
ពេលនោះដែរ សមត្ថកិច្ចបានឮព័ត័មានពីមហាជនរាយការណ៍មក រួចហើយកំលាំងប៉ុស្តិ៍ជ្រោយតាកែវ ក៏បានចុះមកដល់កន្លែង ភ្លាម ៗរួចហើយអ្នកលេងល្បែងស៊ីសងក៏បានរត់គេចខ្លួនបាត់អស់។
បច្ចុប្បន្នកំលាំងប៉ុស្តិ៍កំពុងតែស្រាវជ្រាវ អ្នកលេងល្បែងមកធ្វើការអប់រំ ហើយវត្ថុតាងរក្សាទុកនៅត្រឹមប៉ុស្តិ៍នគរបាលរដ្ឋបាលជ្រោយតាកែវ។
ចំណែកនគរបាលស្រុកស្អាង បានរាយការណ៍ស្ដីករណីបង្ក្រាបល្បែងស៊ីសងខុសច្បាប់(បៀ) នៅថ្ងៃសុក្រ៧រោចខែជេស្ឋឆ្នាំជូត.ព.ស២៥៦៤ត្រូវថ្ងៃទី១២ ខែមិថុនា ឆ្នាំ២០២០ វេលាម៉ោង១៥និង៣០នាទី
នៅចំណុចចំការស្វាយមិនស្គាល់ម្ចាស់ ស្ថិតនៅភូមិចុងកោះតូច ឃុំតាលន់ ស្រុកស្អាង ខេត្តកណ្តាល។
ជនសង្ស័យ មិនស្គាល់អត្តសញ្ញាណ។
វត្ថុតាងដកហូត រួមមាន កម្រាលក្រាល១ បៀសម្រាប់លេងចំនួន៤៩សន្លឹក ស្បែកជើង៤គូ។
សភាពរឿងហេតុ៖ នៅថ្ងៃខែឆ្នាំវេលាម៉ោងកើតហេតុខាងលើ កម្លាំងប៉ុស្តីតាលន់ចំនួន៤នាក់ ចេញល្បាតក្នុងភូមិសាស្ត្រ ក៏ជួបប្រទះនិងអ្នកញៀនល្បែង កំពុងតែអង្គុយលេងល្បែងបៀនៅក្រោមដើមស្វាយ មានគ្នា៦នាក់ ដោយផ្លូវមានសភាពលំបាក ជិះចូលក្រុមអ្នកលេងល្បែង ឃើញក៏នាំគ្នារត់គេចខ្លួនបាត់អស់ ទៅបន្សល់ទុកនូវវត្ថុតាង ដកហូតខាងលើនេះ៕
