នគរបាលខណ្ឌឬស្សីកែវការស្រាវជ្រាវ បង្ក្រាបជាក់ស្តែងនិង ឃាត់ខ្លួនជនសង្ស័យ ២នាក់ករណីលួចម៉ូតូ
ភ្នំពេញៈ នគរបាលខណ្ឌឬស្សីកែវ ឃាត់ខ្លួនជនសង្ស័យ ២នាក់ករណីលួចម៉ូតូ នៅថ្ងៃទី១៥ ខែមិថុនា ឆ្នាំ២០២០ វេលាម៉ោង ១៤ និង៥០នាទីរសៀល នៅចំណុចមុខហាងចរណៃ ផ្លូវជាតិលេខ០៥ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
- ជនរងគ្រោះឈ្មោះ រស់ ធារ៉ា ភេទប្រុស អាយុ២១ឆ្នាំ មុខរបរបុគ្គលិកហាងចរណៃ មានទីលំនៅផ្ទះជួល ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ជនសង្ស័យទី១ ឈ្មោះ យ៉ន ចំរេីន ភេទប្រុស ហៅអាញ៉ាញ់ អាយុ២៨ឆ្នាំ មុខរបរមិនពិតប្រាកដ មានទីលំនៅផ្ទះជួល ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ (មានសារធាតុញៀន)។
និងបន្តធ្វើការឃាត់ខ្លួនជនសង្ស័យទី២ ឈ្មោះ វន់ វិបុល ហៅ អាម៉ៅ ភេទ ប្រុស អាយុ១៨ ឆ្នាំ មានទីលំនៅ ភូមិ ផ្សារតូច សង្កាត់ ទួលសង្កែទី១ ខណ្ឌ ឬស្សីកែវកែវ រាជធានីភ្នំពេញ (មានសារធាតុញៀន) ឃាត់ខ្លួននៅវេលាម៉ោង ២២:០០ នាទី ថ្ងៃខែឆ្នាំដដែល ។
– សំភារៈបាត់បង់៖
ម៉ូតូមួយគ្រឿងម៉ាក ហុងដា សេ១២៥ ពណ៍ខ្មៅ ស៊េរីឆ្នាំ២០១៨ ពាក់ស្លាកលេខ កំពង់ឆ្នាំង 1H-1717
– សំភារៈដកហូត៖ គ្មាន
លោកហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា នៅថ្ងៃកេីតហេតុជនសង្ស័យមានគ្នាចំនួន ០២នាក់ ជិះម៉ូតូមួយគ្រឿង ម៉ាក សង់ការ៉េ ពណ៍ក្រហមចាស់ ពុំមានស្លាកលេខ ចេញធ្វេីសកម្មភាពលួចទ្រព្យសម្បត្តិប្រជាពលរដ្ឋ ពេលមកដល់ចំណុចកេីតហេតុឃេីញម៉ូតូរបស់ជនរងគ្រោះចតទុកដោយភ្លេចដកសោរចេញពីម៉ូតូ ឃើញដូចនេះជនសង្ស័យឈ្មោះ យ៉ន ចំរេីន បានធ្វេីសកម្មភាពលួចយកម៉ូតូនោះបានសំរេច រួចជិះគេចខ្លួន លុះដល់ថ្ងៃទី១៦ ខែឆ្នាំដដែល វេលាម៉ោង១៤:០០នាទី ជនរងគ្រោះបានមកដាក់ពាក្យបណ្តឹង ក្រោយពីបានទទួលបណ្តឹងជនរងគ្រោះកំលាំងសមត្ថកិច្ចយេីងបានបេីកការស្រាវជ្រាវកំណត់បានអត្តសញ្ញាណជនសង្ស័យ លុះដល់វេលាម៉ោង១៧:០០នាទី ថ្ងៃខែឆ្នាំដដែល កំលាំងសមត្ថកិច្ចយេីងឃាត់បានជនសង្ស័យម្នាក់ឈ្មោះ យ៉ន ចំរេីន នៅចំណុចផ្លូវបេតុង ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ នាំមកកាន់ប៉ុស្តិ៍ប៉ុស្តិ៍នគរបាលរដ្ឋបាលឫស្សីកែវ ដេីម្បីធ្វេីការសាកសួរ រហូតដល់វេលាម៉ោង២២:០០នាទី ថ្ងៃខែឆ្នាំដដែល បន្តឃាត់បានបក្ខពួកម្នាក់ទៀតនៅចំណុចផ្លូវជាតិលេខ៥ ក្រុមទី២០ ភូមិសាមគ្គី សង្កាត់ ឬស្សីកែវ ខណ្ឌឬស្សីកែវ រាជធានីភ្នំពេញ ។
ចំពោះមុខផ្នែកជំនាញខណ្ឌប៉ុស្តិ៍កំពុងសាកសួរយកចម្លេីយ បន្តស្រាវជ្រាវរកមធ្យោបាយរបស់ជនរងគ្រោះ កសាងសំណុំរឿងបញ្ចូនទៅសាលាដំបូងរាជធានីភ្នំពេញ ដេីម្បីអនុវត្តន៍តាមនីតិវិធីច្បាប់។
