ប៉ូលិសចុះបង្រ្កាបកន្លែង ជល់មាន់ចាប់បាន តែស្បែកជើង១០គូ,អ្នកញៀនល្បែងម្ចាស់ស្បែកជើងរត់រួចយ៉ាងរលូន

កណ្ដាល៖ក្រុមសមត្ថកិច្ចប៉ូលិសស្រុកស្អាងបានចុះបង្ក្រាបល្បែងស៊ីសងខុសច្បាប់(ជល់មាន់)កាលពីរសៀលថ្ងៃទី២១ខែមិថុនាឆ្នាំ២០២០នេះ
នៅចំណុចចំការល្មុតមិនស្គាល់ម្ចាស់ស្ថិតនៅភូមិតាលន់ឃុំតាលន់ស្រុកស្អាងខេត្តកណ្តាល។
ចំពោះជនសង្ស័យដែលបើកលេងល្បែងសុីសងខុសច្បាប់នោះក្រុមសមត្ថកិច្ចគាត់ថាមិនស្គាល់អត្តសញ្ញាណ មានគ្នាប្រហែលជាង១០នាក់ក្នុងនោះចាប់បានតែស្បែកជើង១០គូគ្រាន់ទុកជាវត្ថុតាងតែប៉ុណ្ណោះ។
ចំពោះវត្ថុតាងដកហូត រួមមាន
១.មាន់ឈ្មោល០១ក្បាល
២.កន្ត្រក់សំរាប់ដាក់មាន់ចំនួន០២
៣.ជញ្ជីងសំរាប់ថ្លឹងមាន់ចំនួន០១គ្រឿង
៤.ស្គុតសំរាប់រំតក្នាយមាន់ចំនួន១៦ដុំ
៥.ធុងស្ពេត្រូលចំនួន០១
៦.កណ្តៀវ០១
៧.ស្បែកជើង១០គូ។
កាលពីរសៀលថ្ងៃខែឆ្នាំខាងលើបានទទួលព័ត៌មានពីប្រជាជនគាត់រាយការណ៍មកថាមានករណីលេងល្បែងសុីសងខុសច្បាប់(ជល់មាន់)ដែលមានទីតាំងនៅចំណុចកើតហេតុខាងលើមានចំងាយ៦០០ម៉ែត្រពីផ្លូវជាតិលេខ១១០ដោយចូលតាមមាត់ព្រែក។ ភ្លាមនោះកម្លាំងប៉ុស្តីតាលន់បានចុះទៅដល់កន្លែងកើតហេតុ តែដោយស្ថានភាពផ្លូវទើបភ្លៀងធ្លាក់រួចមានសភាពរអិលទើមក្រុមអ្នកញៀនល្បែងសុីសងជល់មាន់ឃើញក៏នាំគ្នារត់គេចខ្លួនអស់ទៅបន្សល់ទុកនូវវត្ថុតាងដកហូតខាងលើនេះ៕