លោកអភិបាលខណ្ឌបឹងកេងកងចុះពិនិត្យការដ្ឋានស្ដារប្រឡាយទឹកស្អុយ បឹងត្របែក ក្នុងមូលដ្ឋានខណ្ឌបឹងកេងកង
ភ្នំពេញ៖កាលពីព្រឹកថ្ងៃទី២៣ខែមិថុនាឆ្នាំ២០២០នេះលោកធឹម សំអាន អភិបាលខណ្ឌបឹងកេងកង និង លោកស្រីអភិបាលរងខណ្ឌបឹងកេងកងសុិន រតនា ព្រមទាំងមន្ត្រីនៃការិយាល័យជំនាញបានចុះពិនិត្យដោយផ្ទាល់នៅសកម្មភាពស្ដារប្រឡាយមេ១ខ្សែស្របផ្លូវ១០៥និងប្រព័ន្ធលូ,អណ្ដូងលូនៅតាមដងផ្លូវនានាមូលដ្ឋានខណ្ឌបឹងកេងកងដែលមាន៧សង្កាត់ដើម្បីបើកមុខទឹកដោយបញ្ចៀសរាល់ការលិចលង់ដោយជំនន់ទឹកភ្លៀងនារដូវភ្លៀងធ្លាក់នៅរដូវវស្សានេះ។
លោក ធឹម សំអាន អភិបាលខណ្ឌបឹងកេងកង រួមជាមួយលោកស្រី អភិបាលរងខណ្ឌបឹងកេងកង សុិន រតនាព្រមទាំងលោកប្រធាន~អនុប្រធានការិយាល័យ នៃការិយាល័យជំនាញ,មន្ដ្រីរដ្ឋបាលខណ្ឌ បានចុះត្រួតពិនិត្យប្រឡាយលូមេដែលមានសភាពកកស្ទះចរន្តទឹកហូរមិនបានលឿននៅតាមបណ្ដោយប្រឡាយលូទឹកស្អុយស្របផ្លូវ ១០៥ដែលប្រឡាយទឹកស្អុយបឹងត្របែកតែក្នុងមូលដ្ឋានខណ្ឌបឹងកេងកងដែលស្ថិតនៅ ក្នុងសង្កាត់បឹងកេងកងទី៣ ខណ្ឌបឹងកេងកងរាជធានីភ្នំពេញ។
ជាមួយគ្នានេះដែរលោកអភិបាលខណ្ឌបឹងកេងកង ធឹម សំអានដោយសូមអំពាវនាវអោយបងប្អូនប្រជាជនទាំងអស់ចូលរួមសម្អាតអនាម័យអោយបានគ្រប់ៗគ្នាដើម្បីបរិស្ថានស្អាត ទីក្រុងស្អាត គ្មានសំរាមលើដងវិថីនិងក្នុងទឹកប្រឡាយផងដែរពោលគឺក្រុងស្អាតគឺផ្ដើមចេញពីយើងទាំងអស់គ្នាផងដែរ។
ជាមួយគ្នានេះដែរលោកអភិបាលខណ្ឌបឹងកេងកងក៏បានជំរុញទៅដល់ផ្នែកខាងគ្រឿងចក្រអោយពន្លឿនក្នុងការកាយដីភក់នៅបាតប្រឡាយ កាយយកកាកសំណល់ផ្សេងៗដើម្បីបើកមុខទឹកហូរបានលឿននៅពេលមេឃភ្លៀងធ្លាក់មកម្ដងៗនោះដោយបញ្ចៀសការលិចលង់ទឹកដក់នៅលើផ្លូវនិងលំនៅស្ថានប្រជាជននៅស្របដងប្រឡាយមេ។
ខណៈពេលចុះពិនិត្យការស្ដារប្រឡាយមេខាងលើនោះបងប្អូនប្រជាជនគាត់ចេញមកទទួលស្វាគមន៍លោកអភិបាលខណ្ឌបឹងកេងកងធឹម សំអាន និងលោកស្រីអភិបាលរងខណ្ឌហើយលោកអភិបាលខណ្ឌគាត់ក៏បានជួបសំណេះសំណាលជាមួយបងប្អូនប្រជាជននិងទួលរាល់ការសំណូមពររបស់ពួកគាត់ផ្សេងៗផងដែរហើយក៏បានចែកទឹកអាកុល ទឹកជែល និងម៉ាស់ជូនដល់ពួកគាត់ផងដែរដើម្បីទុកប្រើប្រាស់ការពារបង្ការមេរោគកូវិដ១៩ផងដែរ។ហើយនៅថ្ងៃដដែលនេះដែរលោកធឹម សំអានអភិបានខណ្ឌបឹងកេងកង និង លោកស្រីសុិន រតនា អភិបាលរងខណ្ឌបឹងកេងកងព្រមទាំងសហការីបានបន្តចុះជួបសំណេះសំណាលគ្នាជាមួយបងប្អូនប្រជាជនតាមខ្នងផ្ទះនិមួយៗនៅសង្កាត់អូឡាំពិចដោយធ្វើការណែនាំទៅដល់ពួកគាត់អោយចូលរួមសម្អាតធ្វើអនាម័យ បរិស្ថានគឺទីក្រុងស្អាតផ្ដើមចេញពីយើងទាំងអស់គ្នាហើយក៏បានអំពាវនាវទៅដល់បងប្អូនប្រជាជនត្រូវមើលថែទាំសុខភាពដោយរស់នៅស្អាត ហូបស្អាតហើយត្រូវលាងដៃដោយសាប៊ូឬទឹកអាកុលឬទឹកជែលហើយពេលធ្វើដំណើរចេញក្រៅផ្ទះឬនៅកន្លែងធ្វើការងារត្រូវពាក់ម៉ាសដោយបង្ការការពារនូវមេរោគកូវិដ១៩ផងដែរពោលគឺយើងរួមគ្នាប្រយុទ្ធប្រឆាំងមេរោគកូវិដ១៩តាមការណែនាំរបស់ក្រសួងសុខាភិបាល៕
