បើករថយន្ដបុករបាំងថ្មចែកទ្រូងផ្លូវខ្ទេច ទាំងរថយន្តទាំងរបាំងផ្លូវ, តៃកុងឡានរបួសគៀបជាប់ក្នុងរថយន្ត
ភ្នំពេញ៖បុរសម្នាក់សង្ស័យគាត់ស្រវឹងស្រាបើករថយន្ដបុករបាំងថ្មចែកទ្រូងផ្លូវ ពុះចែកទ្រូងផ្លូវក្នុងតំបន់កោះពេជ្រ បណ្ដាលឲ្យរងការខូចខាតខ្ទេចរថយន្ដទាំងស្រុងនិងរងរបួសកៃកុងគាបជាប់ត្រូវបានរថយន្ដសង្គ្រោះបន្ទាន់ដឹកទៅមន្ទីរពេទ្យផងដែរ។ហេតុការណ៍នេះកើតឡើងកាលពីម៉ោងកណ្ដាលអធ្រាត្រ ឈានចូលថ្ងៃទី២៦ ខែមិថុនា ឆ្នាំ២០២០ នេះត្រូងចំណុចត្រង់ចំណុចស្ពានឥន្ធនូ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបាននិយាយថាមនុពេលកើតហេតុគាត់រថយន្ដទំនើបមួយគ្រឿងម៉ាកស្តាររិច ពណ៌ខ្មៅពាក់ផ្លា កលេខភ្នំពេញ 2AZ-3557 បើកបរដោយបុរសសង្ស័យស្រវឹងស្រាបានធ្វើដំណើរក្នុងទិសដៅពីកើតមកលិចក្នុងល្បឿនលឿនដូចហោះ ខណៈពេលមកដល់ចំណុចកើតហេតុបានបង្ហោះរថយន្ដទៅបុកនឹងក្បាលនាគពុះចែកទ្រូងផ្លូវក្នុងតំបន់កោះពេជ្រ បាក់អស់ចំនួន២កង់និងប្រេះទ្រូងផ្លូវអស់ជាច្រើនម៉ែត្រទៀត។ចំណែករថយន្ដខ្ទាតក្រឡាប់រាប់សិបម៉ែត្រដោយរងការខូចខាតខ្ទេចទាំងស្រុងតែម្ដង៕
