ការបង្ក្រាបបទល្មើសព្រហ្មទណ្ឌចំនួន២ករណី ករណីកាន់កាប់រក្សាទុកប្រើប្រាស់អាវុធខុសច្បាប់ និងករណីឆក់កាបូប

ខេត្តព្រះសីហនុ ៖ I-ករណីកាន់កាប់រក្សាទុក ប្រើប្រាស់អាវុធខុសច្បាប់ ៖ នៅថ្ងៃទី ២៥.០៦.២០២០ វេលាម៉ោង២៣:៥០នាទី មានប្រជាពលរដ្ឋបានទូរស័ព្ទមកតាមប្រព័ន្ធហត់ឡាញរាយការណ៍ថា នៅចំណុចម្ដុំផ្លូវLVស្ថិតនៅភូមិ៤ សង្កាត់៤ ក្រុង-ខេត្តព្រះសីហនុ ជនជនជាតិខ្មែរ៣ នាក់ ជិះម៉ូតូ១គ្រឿងម៉ាក Honda dream ស៊េរីឆ្នាំ២០១១ ពណ៌ខ្មៅស្លាកលេខ ភ្នំពេញ ១AW-០១៦៦ មកឈប់នៅមុខផ្ទះរបស់ប្រជាពលរដ្ឋ មានម្នាក់មានកាំភ្លើងខ្លី១ដើម ។ បន្ទាប់ពីទទួលបានដំណឹងនេះភ្លាម កម្លាំងជំនាញផែនការងារនគរបាលព្រហ្មទណ្ឌ បានចុះទៅដល់កន្លែងកើតហេតុ ធ្វើការឃាត់ខ្លួនបានជនសង្ស័យ ២នាក់ រីឯជនសង្ស័យ១នាក់ទៀតបានរត់គេចខ្លួន ។ ក្នុងនោះចាប់យកវត្ថុតាងកាំភ្លើងខ្លី១ដើម(ប្រើហ្កាស) ។

II-ករណីឆក់កាបូប ៖ នៅថ្ងៃទី ២៥.០៦.២០២០ វេលាម៉ោង ២០:០០នាទី នៅចំណុចម្ដុំផ្លូវជិតកាស៊ីកោះតាកៀវ ស្ថិតនៅភូមិ២ សង្កាត់២ ក្រុង-ខេត្តព្រះសីហនុ មានជនសង្ស័យជនជាតិខ្មែរ ២ នាក់ ជិះម៉ូតូ១គ្រឿង ម៉ាកHonda Dream ពណ៌ខ្មៅ មិនចាំស្លាកលេខ បានមកឈប់នៅក្បែរកន្លែងជនជាតិចិនកំពុងផឹកស៊ី ខណ: ពេលនោះសង្ស័យម្នាក់ចុះពីលើម៉ូតូ ទៅធ្វើសកម្មភាពឆក់កាបូប ជនជាតិចិនដែលកំពុងអង្គុយផឹកស៊ី ហើយជនជាតិចិនដេញតាមចាប់ តែត្រូវបានជនសង្ស័យទាំង ២នាក់ បើកម៉ូតូអូសជនរងគ្រោះប្រហែលជា១០ជាងម៉ែត្រ ហើយធ្លាក់ជនសង្ស័យម្នាក់ពីម៉ូតូ ភ្លាមៗនោះកម្លាំងជំនាញផែនការងារព្រហ្មទណ្ឌ ដែលបានជិះម៉ូតូល្បាតនៅក្បែរកន្លែងកើតហេតុ ក៍ឃាត់ខ្លួនបានជនសង្ស័យ១នាក់ រីឯជនសង្ស័យ១នាក់ទៀត បានបើកម៉ូតូរត់គេចខ្លួនបាត់ទៅ ។

ករណីទាំង២ខាងលើកម្លាំងជំនាញ ការិយាល័យនគរបាលព្រហ្មទណ្ឌកម្រិតស្រាលកំពុងបន្តនិតិវិធី ៕