លោកអភិបាលខណ្ឌបឹងកេងកង នាំយកអំណោយ លោកហ៊ុន ម៉ានី ទៅចែកជូនកម្លាំងប្រជាការពារខណ្ឌ
ភ្នំពេញ៖កាលពីរសៀលថ្ងៃទី២៧ខែមិថុនាឆ្នាំ២០២០នេះនៅសាលាខណ្ឌបឹងកេងកងនៃរាជធានីភ្នំពេញលោកធឹម សំអានអភិបាល នៃគណៈអភិបាលខណ្ឌ បឹងកេងកង និង លោកស្រីសុិន រតនា អភិបាលរងខណ្ឌបឹងកេងកងដោយបានអញ្ជេីញជួបសំណេះសំណាល និងនាំយកអំណោយសប្បុរសធម៌របស់ឯកឧត្តម ហ៊ុន ម៉ានី ចែកជូនដល់កម្លាំងប្រជាការពារសណ្ដាប់ធ្នាប់ខណ្ឌបឹងកេងកងដើម្បីទុកដោះស្រាយជីវភាព។
លោកធឹម សំអាន អភិបាលខណ្ឌបឹងកេងកង បានធ្វើពិធីរៀបចំជួបសំណេះសំណាល និង នាំយកអំណោយសប្បុរសធម៌របស់ឯកឧត្តម ហ៊ុន ម៉ានី ចែកជូនដល់កម្លាំងប្រជាការពារសណ្ដាប់ធ្នាប់ខណ្ឌបឹងកេងកង នាពេលនោះដោយមានការចូលរួមពី លោកស្រីអភិបាលរងខណ្ឌ និងមន្ត្រីរដ្ឋបាលខណ្ឌ ហេីយអំណោយដែលទទួលបានក្នុងម្នាក់ៗទទួលបានអង្ករ ទម្ងន់ ១០គីឡូក្រាម, ភេសជ្ជ:ប៉ូវកម្លាំង បាកាស៣កំប៉ុង ,ភេសជ្ជៈផ្អែមចំនួន ១២ដប, ត្រី ខ កំប៉ុងចំនួន ០២កំប៉ុង, ទឹកសុទ្ធ ចំនួន ០៧ដប, ទឹកអាកុល ចំនួន ០៣ដបតូច, ម៉ាស ចំនួន ២០ម៉ាស, សាប៊ូដុំ ចំនួន ០៣ដុំ និងថិវការចំនួន ៥០.០០០រៀលដេីម្បីចូលរួម និងជួយសម្រួលដល់ជីវភាពប្រចាំថ្ងៃរបស់បងប្អូនកម្លាំងសណ្ដាប់ធ្នាប់ខណ្ឌបានមួយចំណែកផងដែរ៕
