កៀនស្វាយសម្បុកជួញដូរគ្រឿងញៀន បង្រ្កាបមិនចេះអស់
កណ្ដាល៖ជនសង្ស័យក្នុងករណីជួញដូរគ្រឿងញៀនដ៏សកម្មម្នាក់ក្នុងចំណោមគូកន២នាក់ត្រូវកម្លាំងសមត្ថកិច្ចបង្ក្រាបជាមួយគ្រឿងញៀន១៥កញ្ចប់នៅភូមិពពាលខែ ឃុំដីឥដ្ឋស្រុកកៀនស្វាយខេត្តកណ្ដាលកាលពីម៉ោងជិត១១ថ្ងៃត្រង់ថ្ងៃទី៣០ខែមិថុនាឆ្នាំ២០២០នេះ។
ជនសង្ស័យៈ ទី១ឈ្មោះយ៉ត ចំណា ហៅឌុន ភេទប្រុសអាយុ២៥ ឆ្នាំមុខរបរមិនពិតប្រាកដមានទីលំនៅភូមិពពាលខែ ឃុំដីឥដ្ឋ ស្រុកកៀនស្វាយ ខេត្តកណ្តាល (ឃាត់ខ្លួន )
ទី២ឈ្មោះ ខាត់ មុំ ភេទប្រុសអាយុ២៥ឆ្នាំមុខរបរមិនពិតប្រាកដមានទីលំនៅនៅភូមិពពាលខែ ឃុំដីឥដ្ឋស្រុកកៀនស្វាយ ខេត្តកណ្ដាល(រត់គេចខ្លួន)
ចំពោះវត្ថុតាងៈចាប់យករួមមាន÷
១-ម្សៅក្រាមពណ៍សថ្លាសង្ស័យសារធាតុញៀនម៉ាទឹកកក(ICE)ចំនួន១៥កញ្ចប់ក្នុងនោះ
ធំ០១កញ្ចប់ តូច១៤កញ្ចប់និងសម្ភារះប្រើប្រាស់ វុិចខ្ចប់មួយចំនួនទៀតផងដែរ។
ក្រុមសមត្ថកិច្ចបានរាយការណ៍អោយដឹងថានៅថ្ងៃ.ខែ.ឆ្នាំកើតហេតុខាងលើនោះកម្លាំងសមត្តកិច្ចបានចុះបង្ក្រាបកន្លែងជួញដូរគ្រឿងញៀនខាងលើខណៈពេលក្រុមជួញដូរគ្រឿញៀនកំពុងធ្វើសកម្មភាពចែកចាយថ្នាំញៀនយ៉ាងសកម្មផុលផុសនៅចំណុចរោងចាំចំការមួយកន្លែងដែលស្ថិតនៅក្នុងភូមិពពាលខែឃុំដីឥដ្ឋស្រុកកៀនស្វាយខេត្តកណ្តាល។
ក្រោយពីទទួលពត៍មានភ្លាមកម្លាំងសមត្ថកិច្ចប៉ូលិសឃុំដីឥដ្ឋសហការណ៍ជាមួយកម្លាំងផ្នែកប្រឆាំងគ្រឿងញៀននៃអធិការដ្ឋានប៉ូលិសស្រុកកៀនស្វាយ បានចុះដល់ចំណុចកើតហេតុបានឃើញជនសង្ស័យខាងលើកំពង់តែធ្វើសកម្មភាពវុិចខ្ចប់ថ្នាំញៀននៅក្នុងរោងចាំចំការតែម្នាក់ឯង ពេលនោះកម្លាំងបានធ្វើការឃាត់ខ្លួនជនសង្ស័យរួមហ្នឹងវត្ថុតាងយកមកប៉ុស្តិ៍ដើម្បីសាកសួរ។
ក្រោយពីសាកសួរនាំរួចនៅចំពោះមុខសមត្តកិច្ចជនសង្ស័យបានសារភាពដោយឥតលាក់លាមថាចំពោះថ្នាំញៀនចំនួន១៥កញ្ចប់(ធំ០១កញ្ចប់ តូច១៤កញ្ចប់)ខាងលើគឺជារបស់ខ្លួនពិតប្រាកដមែន ដោយខ្លួនបានទៅទិញមកពីឈ្មោះខាត់ មុំ ភេទប្រុសអាយុ២៥ឆ្នាំមានទីលំនៅភូមិពពាលខែឃំុដីឥដ្ឋស្រុកកៀនស្វាយខេត្តកណ្តាលចំនួន០២កញ្ចប់ធំតំលៃ១៧០០០០៛(ដប់ប្រាំពីរមុឺនរៀល)
ដើម្បីយកមកវុិចខ្ចប់ជាកញ្ចប់តូចៗលក់បន្តក្នុង០១កញ្ចប់តំលៃ ៣.០០០០រៀល(បីមុឺនរៀល) ខណះពេលកំពង់វុិចខ្ចប់ក៏ត្រូវសមត្តកិច្ចឃាត់ខ្លួនតែម្តង។
បន្ទាប់ពីសួរនាំរួចជនសង្ស័យរួមនឹងវត្ថុងតាងត្រូវបានបញ្ចូនទៅកាន់អធិការដ្ឋាននគរបាលស្រុកកៀនស្វាយដើម្បីចាត់ការតាមច្បាប់។មហាជននៅស្រុកកៀនស្វាយគាត់ឆ្ងល់ថាសព្វថ្ងៃនេះនៅកៀនស្វាយករណីជួញដូរគ្រឿងញៀនមាននៅសឹងគ្រប់ទីកន្លែងតែក្រុមសមត្ថកិច្ចបង្ក្រាបមិនចេះអស់សោះ។ដូចនេះសូមអោយកម្លាំងសមត្ថកិច្ចបន្តខិតខំការងារនេះក្នុងការចុះបង្ក្រាបមុខសញ្ញាជនជួញដូរគ្រឿងញៀនបន្តទៀតអោយដល់ឫសគល់៕
