អ្នកចម្រៀងម្នាក់ នៅ DMX PARTY PLACE ជិះម៉ូតូបុកទ្រូងផ្លូវស្លាប់
ភ្នំពេញ៖ បុរសរងគ្រោះម្នាក់ឈ្មោះ ហ៊ាង វេងហេង ហៅហេង អាយុ២៦ឆ្នាំ មុខរបរជាគ្រូពេទ្យធ្មេញ ដែលគេហៅគាត់ថា វេហា និង ជាអ្នកចម្រៀងនៅ DMX PARTY PLACE បានជួបគ្រោះថ្នាក់ចរាចរណ៍បណ្ដាលឲ្យស្លាប់ ពពេលបញ្ជូនទៅសង្គ្រោះនៅមន្ទីរពេទ្យ។
ហ៊ាង វេងហេង បានជិះម៉ូតូ Zoomer-X ឌុបគ្នា២នាក់ ចេញពីជួបជុំគ្នា បំណងត្រលប់ទៅផ្ទះ បែរជាទៅបុកផ្ទប់របាំងថ្មពុះចែកទ្រូងផ្លូវ ហេីយខ្ទាតបោកនឹងថ្នល់ពេញទំហឹង នៅមុខផ្ទះចម្លាក់នាគ ផ្លូវ២៧១ សង្កាត់ទួលទំពូងទី២ ខណ្ឌចំការមន នាម៉ោងជិត៥ទៀបភ្លឺថ្ងៃទី១២កក្កដានេះ។
ក្រោយពេលកេីតហេតុភ្លាមមិត្តភក្ដិរបស់គាត់បានមកដល់មុនសមត្ថកិច្ចមូលដ្ឋាន ហេីយរថយន្តសង្គ្រោះ២គ្រឿងបានមកដល់ ដោយប្រញាប់ជួយសង្គ្រោះជនរងគ្រោះដែលរបួសធ្ងន់ធ្ងរខ្លាំង និងបុរសម្នាក់ទៀតជិះពីក្រោយ រងរបួសជេីងខាងឆ្វេង ដឹកបញ្ជូនទៅសង្គ្រោះបន្ទាន់ភ្លាមៗនៅមន្ទីរពេទ្យរុស្សី ៕
