អគ្គីភ័យឆេះផ្ទះ ស្រុកអង្គស្នួល
ខេត្ដកណ្ដាល៖នៅថ្ងៃសៅរ៍ ទី២៥ ខែកក្កដា ឆ្នាំ២០២០ វេលាម៉ោង១០:៣០នាទី មានករណីអគ្គីភ័យឆេះផ្ទះស្ថិតនៅភូមិអង្គតាសិត ឃុំទួលព្រេជ ស្រុកអង្គស្នួល ខេត្តកណ្ដាល ។ ក្រោយពីទទួលដំណឹងភ្លាម កំលាំងអន្តរាគមន៍របស់ អធិការដ្ឋាននគរបាលស្រុកអង្គស្នួលបានចេញប្រតិបត្ដិការ–សហការណ៍ជាមួយកំលាំងប៉ុស្ដិ៍ទួលព្រេជ ប្រជាការពារ សិស្សសាលានាយទាហ៊ានសកម្ម នឹងប្រជាពលរដ្ឋចំនួន ៨៧នាក់ បានជួយពន្លត់ភ្លើងឆេះ នៅចំណុចខាងលើ ដោយប្រើរថយន្តពន្លត់អគ្គីភ័យរបស់ការិយាល័យខេត្ត ចំនួន ០៣គ្រឿង រថយន្តរបស់អធិការដ្ឋាននគរបាលស្រុកឧត្តុង ០១គ្រឿង រថយន្តរបស់សាលានាយទាហានសកម្ម ០១គ្រឿង ប្រើប្រាស់ទឹក អស់ចំនួន០៥សុឺទែន បានរលត់ជាស្ថាពរ ។ ផ្ទះ០១ខ្នង (ឆេះទាំងស្រុង) ផ្ទះទំហំ៦mx៨m ប្រភេទឈើលើ ថ្មក្រោម ជញ្ជាំងក្ដារ ប្រក់ក្បឿង ។
ម្ចាស់ផ្ទះឈ្មោះ តេង វី ភេទប្រុស អាយុ៣៣ឆ្នាំ ប្រពន្ធឈ្មោះសុីម ដា ភេទស្រី អាយុ៣៣ឆ្នាំ សម្ភារះប្រើប្រាស់ក្នុងផ្ទះឆេះទាំងស្រុង។តាមការបំភ្លឺរបស់ឈ្មោះ តេង ណែត ភេទស្រី អាយុ៣០ ត្រូវជាប្អូនបង្កើត ដែលមានផ្ទះនៅជិតគ្នា បានប្រាប់ថា មូលហេតុមកពី ទុស្សេខ្សែរភ្លើង។
