សៀមរាប ៖ នៅថ្ងៃព្រហស្បតិ៍ ២កើតខែ ភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២០ខែ សីហា ឆ្នាំ២០២០ វេលាម៉ោង០២:០០ នាទីយប់ កម្លាំងការិយាល័យប្រឆាំងគ្រឿងញៀនបានចូលរួមសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្វាយដង្គំ បានចុះបង្ក្រាបបទចាត់ចែង និងប្រើប្រាស់ដោយខុសច្បាប់នូវសារធាតុញៀននៅចំនុចបន្ទប់ជួលស្ថិតនៅភូមិតាភុលសង្កាត់ ស្វាយដង្គំ ក្រុង ខេត្តសៀមរាប ឃាត់ខ្លួនជន សង្ស័យចំនួន០៤នាក់ ស្រី០២នាក់ និងនៅចំនុចលំនៅដ្ឋានស្ថិតនៅភូមិសាលាកំរើក សង្កាត់សាលាកំរើក ក្រុង/ខេត្តសៀមរាប ចំនួន ០២នាក់បន្ថែមទៀត ។

សរុបជនសង្ស័យចំនួន ០៦នាក់ ស្រី ០២នាក់ ត្រូវបានសមត្ថកិច្ចឃាត់ខ្លួន:

១–ឈ្មោះ ឡឹក សុភ័ក្ត្រ ភេទ ប្រុស ឆ្នាំកំណើត ២០០២ ជនជាតិ ខ្មែរ មុខរបរ បុគ្គលិកខារ៉ាឣូខេ  មានទីលំនៅភូមិសាលាកំរើក សង្កាត់សាលាកំរើក ក្រុង /ខេត្តសៀមរាប។

២–ឈ្មោះ រឿន ធានុត ភេទ ប្រុស ឆ្នាំកំណើត ២០០៥ ជនជាតិ ខ្មែរ មុខរបរ គ្មាន  មានទីលំនៅភូមិតាភុល សង្កាត់ស្វាយដង្គំ ក្រុង/ខេត្តសៀមរាប។

៣–ឈ្មោះ ម៉យ ម៉ាប់ ភេទ ប្រុស ឆ្នាំកំណើត ២០០១ ជនជាតិ ខ្មែរ មុខរបរ បុគ្គលិកក្រុមហ៊ុន ស្រាបៀរ មានទីលំនៅភូមិខ្នារ សង្កាត់ជ្រាវ ក្រុង/ខេត្តសៀមរាប។

៤–ឈ្មោះ រឿន សុជាតិទី ភេទ ស្រីឆ្នាំកំណើត ២០០១ ជនជាតិ ខ្មែរ មុខរបរ ជាងឣ៊ុតសក់  មានទីលំនៅភូមិតាភុល សង្កាត់ស្វាយដង្គំក្រុង/ខេត្តសៀមរាប។

៥–ឈ្មោះ ប៉ក់ លីហ្សា ភេទ ស្រី ឆ្នាំកំណើត ២០០៤ ជនជាតិ ខ្មែរ មុខរបរ បុគ្គលិកហាង មានទីលំនៅភូមិតាវៀន សង្កាត់សាលាកំរើក ក្រុង /ខេត្តសៀមរាប។
៦–ឈ្មោះ ប៉ាន់ វិសា ហៅ ទូច ភេទ ប្រុស ឆ្នាំកំណើត ២០០០ ជនជាតិ ខ្មែរ មុខរបរ ចុងភៅ  មានទីលំនៅភូមិវត្តបូព៌ សង្កាត់សាលាកំរើក ក្រុង/ខេត្តសៀមរាប។

ក្នុងប្រតិបត្តិការនេះ សមត្ថកិច្ចដកហូតវត្ថុតាងបានរួមមាន : ម្សៅមេតំហ្វេតាមីនចំនួន១១កញ្ចប់ ស្មើនិងទំងន់១,៧ក្រាមទាំងសំបកទូរស័ព្ទដៃចំនួន ០៣គ្រឿង និងម៉ូតូចំនួន ០២គ្រឿង ។ 

  បច្ចុប្បន្ន សមត្ថកិច្ចបានបញ្ជូនជនសង្ស័យរួមទាំងវត្ថុតាងទៅសាលាដំបូងខេត្តសៀមរាប ថ្ងៃទី២១ ខែ សីហា ឆ្នាំ២០២០ ៕