បង្រ្កាបមុខសញ្ញាគ្រឿងញៀនចំនួន ២នាក់ ដកហូតសម្ភារៈប្រើប្រាស់
កំពង់ស្ពឺ ៖ សមត្ថកិច្ចនគរបាលស្រុកឧដុង្គប្រតិបត្ដិការបង្រ្កាបមុខសញ្ញាគ្រឿងញៀនចំនួន ២នាក់ ដកហូតសម្ភារៈប្រើប្រាស់ និងថ្នាំចំនួនមួយកញ្ចប់។ កាលពីថ្ងៃទី១ ខែសីហា ឆ្នាំ២០១៨ វេលាម៉ោង ១៥ ទទួលបានការរាយការណ៍ពីប្រជាពលរដ្ឋល្អ ថានៅចំនុចព្រែឫស្សីខាងត្បូង ភូមិព្រែតាទ្រូ ឃុំភូមិតូច ស្រុកឧដុង្គ មានមុខសញ្ញាប្រើប្រាស់គ្រឿងញៀនមួយក្រុម កំពុងតែជក់កម្លាំងនគរបាលបានទៅដល់ទីតាំងនោះ ហើយបានឃាត់មុខសញ្ញាសង្ស័យបាន ២ នាក់ ១.ឈ្មោះ ចិត្ត គីមហេង ភេទប្រុស អាយុ ១៧ឆ្នាំ ២.ឈ្មោះ សយ ជ្រិន ភេទប្រុស អាយុ ៦២ឆ្នាំ អ្នកទាំងពីររស់នៅនៅភូមិព្រែក្តួច ឃុំភ្នំតូច ស្រុកឧដុង្គ ចំណែកបក្ខពួកជាច្រើនរត់គេចខ្លួន កិច្ចប្រតិបត្តិការបង្រ្កាបនេះ សមត្ថកិច្ចដកហូតបានម្សៅក្រាមពណ៌ស សង្ស័យថាជាគ្រឿងញៀនចំនួន ១ កញ្ចប់មធ្យម និងឧបករណ៍កែច្នៃសម្រាប់ប្រើប្រាស់គ្រឿងញៀនមួយចំនួនទៀត។ ករណីខាងលើជំនាញស្រុក បានកសាងសំណុំរឿង បញ្ជូនមកការិយាល័យជំនាញខេត្ត ដើម្បីចាត់ការតាមនីតិវិធី៕
