ឯកឧត្តម ខៀវ កាញារិទ្ធ ព្រមានដកលោក ព្រំ សាន ចេញពីក្រសួង
ភ្នំពេញ៖ ក្រោយរងការរិះគន់ថាខ្លួនជាមនុស្សចិត្តព្រះ សង្សារវាយឡើងប៉ោងមុខប៉ុណ្ណឹងហើយ
នៅឆ្លៀតយកបាយឲ្យសង្សារដល់ក្នុងប៉ុស្តិ៍ប៉ូលិសទៀត និងចោទថា ត្រូវប្រុសស្នេហ៍បណ្តូលចិត្តវាយអ៊ីចឹងសមមុខហើយនោះ ដោយអត់ទ្រាំពុំបាននឹងពាក្យគេរិះគន់ និងចោទប្រកាន់គ្មានការពិចារណាតែៗស្ករៗបែបនេះ សម៉ីខ្លួននារីរងគ្រោះក៏បានឡាយវីដេអូធ្វើការបកស្រាយជុំវិញបញ្ហាទាំងអស់នេះ កាលពីល្ងាចថ្ងៃទី២២ ខែកញ្ញា ឆ្នាំ២០២០ ដើម្បីឲ្យបងប្អូនមហាជនជុំមានការយល់ច្រឡំត ជេរប្រមាថមកលើរូបនាងតទៀត។
ក្នុងនោះនាងបានបញ្ជាក់ប្រាប់ថា មូលហេតុដែលនាងមិនដាច់ចិត្តយកបាយទៅឲ្យអតីតសង្សាររូបនេះទៅដល់ក្នុងប៉ុស្តិ៍ប៉ូលិស គឺដោយសាររូបគេសុំជួបមុខជាលើកចុងក្រោយ។ ហើយមួយរឿងមួយវិញទៀត ទាក់ទងចោទថាមានប្រុសថ្មី សង្សារវាយមិនខុស នាងក៏សូមបញ្ជាក់ថា នេះជារឿងមិនពិតនោះទេ ដោយរូបថតស្វីតៗ២សន្លឹកថតជាមួយប្រុសក្មេងម្នាក់នោះ គាត់គ្រាន់តែអ្នកដទៃរាប់អានគ្នាដូចបងប្អូនបង្កើតប៉ុណ្ណោះឯង ហើយរូបថតនេះនាងបានផុសតាំងពីយូរយារណាស់ហើយ ប៉ុន្តែ ដោយសារតែមនុស្សមួយចំនួនចង់ល្បី ពួកគេបានយករូបថតទាំងពីរនេះមកផុស ហើយនិយាយបង្ខូចឈ្មោះរបស់នាងបែបនេះ ដែលធ្វើឲ្យមហាជនកាន់តែស្អប់ខ្ពើមរូបនាងកាន់តែខ្លាំង។
យ៉ាងណាមិញ ទន្ទឹមនឹងរូបថតស្វីតៗទាំងពីរនេះ ត្រូវបានគេស៊ែរតៗគ្នាឡើងព្រោងព្រាត ជាមួយពាក្យពេចន៍ដាក់ឡើងកប់ៗមាត់យ៉ាងច្រើនក្នុងនោះគណនីលោក ព្រំ សាន (San Prum) ក៏បានភ្ជាប់រូបភាពទាំងនោះប៉ុន្មានសន្លឹក ដោយភ្ជាប់សារលើកឡើងថា៖ «ចែឯងសម្បូរប្រុសក្មេងហើយឌឺប្តីចឹងបានត្រូវប្តីវាយ បើខ្ញុំវិញ មិនវាយទេ ឲ្យនាងទៅចុះ ហើយក៏មិនយកវិញដែរ ហឹង្សាគឺខុសច្បាប់មិនមែនជាដំណោះស្រាយទេ!»។
ទោះយ៉ាងណា ក្រោយពីបានឃើញលោកព្រំ សាន បានបង្ហោះហាក់ជាន់ពន្លិចនារីរងគ្រោះបន្ថែម ដោយពុំបានស្រាវជ្រាវរឿងហេតុច្បាស់ស្រាប់តែឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មាន បានធ្វើការព្រមានដករូបលោកចេញពីក្រសួងព័ត៌មាន។
ដោយក្នុងនោះ តាមរយៈគណនីហ្វេសប៊ុករបស់ឯកឧត្តម បានបង្ហោះសារព្រមានយ៉ាងដូច្នេះថា៖ «សូមនិយាយជាសាធារណៈ ព្រោះច្រើនដងពេកនាំឲ្យខូចឈ្មោះក្រសួង។ បើលោក ព្រំសាន នៅតែបង្ហោះរបៀបនេះទៀត ក្រសួងសូមបណ្តេញលោកចេញពីការងារហើយ។»៕
