យន្តហោះដឹកអនុប្រធានាធិបតីអាមេរិក ត្រូវបញ្ជាឲ្យចុះចតវិញក្រោយហោះបុកសត្វបក្សី

អ្នកឆ្លើយឆ្លងពត៌មាននៅសេតវិមានលោកស្រី តាម៉ារ៉ា ខេត (Tamara Keith) បានគូសបញ្ជាក់ឲ្យដឹងថា «កំលុងពេលធ្វើការហោះហើរឡើងភ្លាម យន្តហោះ Air Force 2 បានបុកសត្វបក្សីមួយក្បាល។ ដោយមានការប្រុងប្រយ័ត្នខ្ពស់ យន្តហោះនេះក៏បានវិលត្រឡប់មកកាន់ទីក្រុង Manchester វិញដោយសុវត្ថិភាព»។

បើតាមអ្នកយកព័ត៌មានដែលធ្វើដំណើរជាមួយគ្នាបានបញ្ជាក់ថា លោក Pence និងបុគ្គលិករបស់លោក មិនមានគ្រោះថ្នាក់អ្វីនោះទេ ក្រោយហេតុការណ៍ខាងលើនេះកើតឡើង។ បន្ទាប់មកលោក ភែន និងមន្ត្រីអមដំណើរ ក៏បានសម្រេចប្រើប្រាស់យន្ដហោះដឹកទំនិញមួយគ្រឿង ដើម្បីធ្វើដំណើរត្រឡប់ទៅកាន់រដ្ឋធានីវ៉ាស៊ីនតោនវិញ៕