ចាប់ខ្លួនជនសង្ស័យចំនួន៣នាក់ ឆបោកលុយ ថ្លៃរត់ការចូលក្របខ័ណ្ឌយោធានិងទិញឈ្មោះ ឡើងមុខដំណែង យោធា ព្រមទាំងធានាពិរុទ្ធជនឲ្យនៅក្រៅឃុំ និងស៊ីដាច់រថយន្ត៨ គ្រឿង ជាង ១៣០.០០០ ដុល្លារ
ពោធិ៍សាត់ ៖ ជនសង្ស័យ៣នាក់ ត្រូវបានសមត្ថកិច្ចចាប់ឃាត់ខ្លួន ពីបទ ឆបោក (យកប្រាក់ថ្លៃរត់ការចូលក្របខ័ណ្ឌរដ្ឋ ជាយោធា និងទិញឈ្មោះ ឡើងមុខដំណែង យោធា ព្រមទាំងធានាពិរុទ្ធជនឲ្យនៅក្រៅឃុំ រកស៊ីក្រុមហ៊ុនដី និងស៊ីដាច់រថយន្ត ៨ គ្រឿងថែមទៀត សរុបទឹកប្រាក់ជាង ១៣០.០០០ ដុល្លារ កាលពីវេលាម៉ោង ១៣និង២៤នាទី នាថ្ងៃទី២៥ ខែកញ្ញាឆ្នាំ២០២០ នៅចំណុច អូរតាអោក ភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ ។
លោកវរសេនីយ៍ឯក ធាង ឡេង អធិការនគរបាលស្រុកវាលវែងបានឲ្យដឹងថា ក្រោយពេលសមត្ថកិច្ចចាប់ឃាត់ខ្លួន ជនសង្ស័យបានសារភាពថា ខ្លួនបានប្រព្រឹត្តនៅ៣ខេត្ត ព្រះវិហារ បាត់ដំបង ស្វាយរៀង និងរាជធានី គឺភ្នំពេញ នៅអំឡុងឆ្នាំ២០១៩ – ២០២០ ។
ជនសង្ស័យដែលសមត្ថកិខ្ចចាប់ឃាត់ខ្លួន ទាំង០៣ នាក់ មានឈ្មោះដូចជា ១.ឈ្មោះ ណុប ខេន ហៅ មឿង វ៉ើន ភេទ ប្រុស អាយុ ៦២ ឆ្នាំ ជនជាតិខ្មែរ មុខរបរយោធា រស់នៅភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង ។ ២.ឈ្មោះ ហែម សំណាង ភេទប្រុស អាយុ ៤១ ឆ្នាំ ជនជាតិ ខ្មែរ មុខរបរតៃកុងឡាន រស់នៅផ្ទះលេខ២៤៥ ក្រុម០២ ភូមិចំការឫស្សី សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង ។ ៣.ឈ្មោះ ចក់ ឈុនលី ហៅ ជំទាវម៉ៅ ភេទ ស្រី អាយុ៤៧ឆ្នាំ រស់នៅភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង ។
លោកអធិការបានបន្តថា ជនសង្ស័យទាំង៣នាក់ ឃាត់ខ្លួននៅអធិការដ្ឋាននគរបាលស្រុក ដើម្បីកសាងសំណុំរឿងតាមនីតិវិធី ៕
