បុរសម្នាក់ត្រូវរថភ្លើងកិនដាច់ជើងទាំងពីរ និងដៃឆ្វេង ស្លាប់
ភ្នំពេញ ៖ បុរសម្នាក់ត្រូវបានបាត់បង់ជីវិត បន្ទាប់ពីរថភ្លើងកិនដាច់ដៃនិងជើងទាំងសងខាង បង្កការភ្ញាក់ផ្អើលដល់ប្រជាពលរដ្ឋ ។
ហេតុការណ៍នេះបានកើតឡើងនៅវេលាម៉ោង ៥ ទៀបភ្លឺឈានចូលថ្ងៃអង្គារ៍ទី ២៩ ខែកញ្ញាឆ្នាំ 2020 ស្ថិតនៅតាមបណ្ដោយផ្លូវជាតិលេខ ត្រង់ចំណុចផ្លូវរថភ្លើងសង្កាត់កន្ទោក ខណ្ឌកំបូល រាជធានីភ្នំពេញ ។
សពមានឈ្មោះ សុខា សោភ័ណ្ឌ ភេទប្រុស មុខរបរជាងភ្លើង មានស្រុកកំណើតក្នុងឃុំមោង ស្រុកមោងឫស្សី ខេត្តបាត់ដំបង។
បើយោងតាមប្រភពព័ត៌មាន ពីប្រជាពលរដ្ឋបានឲ្យដឹងថា មុនពេលកើតហេតុបុរសខាងលើ បានជួបជុំផឹកស៊ីនិងមិត្តភក្តិស្រាប់តែមួយសន្ទុះមកក៏ដើរចេញពីកន្លែងធ្វើការថា មកក្រៅលេងហើយមិនបានចូលកន្លែងធ្វើការវិញទេ លុះដល់ព្រឹកឡើងម៉ោង ៥ ទៀបភ្លឺ ក៏បានកម្មកររោងចក្រ គាត់ដើរមកធ្វើការស្រាប់តែក្រឡេកមើលទៅឃើញហេតុការណ៍ដ៏រន្ធត់នេះ ហើយរាយការណ៍នៅខាងសមត្ថកិច្ចចុះមកជួយអន្តរាគមន៍ភ្លាមៗ ដើម្បីស្វែងរកសាច់ញាតិ ។
ក្រោយពេលកើតហេតុ សមត្ថកិច្ចជំនាញសហការគ្នា ចុះមកដល់ចំណុចកើតហេតុខាងលើ រួចពិនិត្យទៅលើសពរបស់ជនរងគ្រោះ ឃើញថាស្លាប់ដោយសាររថភ្លើងកិនស្លាប់ពិតមេន រួចធ្វើកំណត់ហេតុប្រគល់សព ឲ្យទៅរថយន្តសាមុយយកទៅតម្កល់ទុកនៅវត្តរង់ចាំក្រុមគ្រួសារសាច់ញាតិធ្វើបុណ្យតាមប្រពៃណី៕
