កូនស្រីស្រវឹងស្រា ខឹងឪពុកស្តីបន្ទោស ទាញដំបងវាយសម្លាប់
ខេត្តកំពង់ធំ៖កូនស្រីឃោរឃៅ ដោយអំណាចនៃទឹកប្តូរនិស្ស័យ ស្រវឹងស្រាខឹងឪពុកស្តីបន្ទោសទាញដំបងវាយសម្លាប់ បង្កការភ្ញាក់ផ្អើលកាលពីព្រឹកថ្ងៃទី១២ ខែតុលា ឆ្នាំ២០២០ ស្ថិតនៅភូមិស្វាយកាល់ ឃុំកកោះស្រុកសន្ទុក ខេត្តកំពង់ធំ ករណីឃាតកម្មវាយសម្លាប់ឪពុករបស់ខ្លួនបានកើតកាលពីវេលាម៉ោង១៩និង០០នាទីយប់ថ្ងៃទី១១ ខែតុលា។
ជនរងគ្រោះឈ្មោះ លឹម លន់ ភេទប្រុសអាយុ៧៨ ឆ្នាំ បានស្លាប់នៅក្នុងថ្លុកឈាមយ៉ាងអណោចអធ័ម ដោយស្នាដៃកូនស្រីបង្កើតដែលជាឃាតករ ឈ្មោះ លន់ សារឹម អាយុ២៥ឆ្នាំ មានប្តីឈ្មោះ នៀវ សារ៉េត អាយុ៣២ឆ្នាំ មានកូន១នាក់ឈ្មោះ នៀវ វិរ: ភេទប្រុស អាយុ៤ឆ្នាំ ។
សាកសពត្រូវក្រុមគ្រួសារធ្វើបុណ្យតាមប្រពៃណី ចំណែកជនបង្កដែលជាឃាតករ សម្លាប់ឪពុកត្រូវបានឃាត់ខ្លួន កសាងសំណុំរឿងតាមនីតិវិធី៕
