មនុស្សប្រុសស្រី២នាក់ ត្រូវឃាត់ខ្លួននៅខណ្ឌពោធិ៍សែនជ័យករណីប្រើប្រាស់អាវុធខ្លីបាញ់ហ្គាស់
ភ្នំពេញ៖ មនុស្សប្រុសស្រី២នាក់ ត្រូវបានឃាត់ខ្លួនដោយកម្លាំងសមត្ថកិច្ចនគរបាលខណ្ឌពោធិ៍សែនជ័យ កាលពីវេលាម៉ោង២១ និង៤០នាទីយប់ ថ្ងៃទី២៩ ខែតុលា ឆ្នាំ២០២០ នៅចំណុចក្នុងសួនកាណាឌីយ៉ា ភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍ សែនជ័យរាជធានីភ្នំពេញ ក្រោមបទសង្ស័យប្រើប្រាស់អាវុធខ្លីបាញ់ហ្គាស់។
ប្រភពពីមន្ត្រីប៉ុសិ៍្តបានឲ្យដឹងថា មនុស្សប្រុសស្រី២នាក់ បានធ្វើដំណើរឆ្លងកាត់គោលដៅត្រួតពិនិត្យដោយម៉ូតូ១គ្រឿង ម៉ាកប៊ីត ព៌ណក្រហម ពាក់ស្លាកលេខព្រៃវែង1S-5102 និងមានអាវុធខ្លី១ដើមបាញ់ហ្គាស់។ សមត្ថកិច្ចបានធ្វើការឃាត់ខ្លួន និងកំពុង សួរនាំនៅផ្នែកជំនាញព្រហ្មទណ្ឌ។
ដោយឡែកលោកវរសេនីយ៍ទោ ម៉ន វុធី អធិការនគរបាលខណ្ឌពោធិ៍សែនជ័យ បានឲ្យដឹងបន្ថែមថា មនុស្សប្រុសស្រីទាំងពីរនាក់ នេះ សមត្ថកិច្ចមានការសង្ស័យទៅលើអាវុធបាញហ្គាស់។ ហើយពេលនេះយើងបានប្រគល់ឲ្យផ្នែកជំនាញព្រហ្មទណ្ឌកំពុងសួរនាំ៕
