ជិះម៉ូតូដួលស្លាប់ខ្លួនឯង នៅស្រុកមុខកំពូល
កណ្ដាល៖សមត្ថកិច្ចបានអោយដឹងថសដោយស្តីពីករណីគ្រោះថ្នាក់ចរាចរណ៍ផ្លូវគោក ដោយម៉ូតូដួលដោយខ្លួនឯងបណ្ដាលអោយស្លាប់និង។ខូចខាតម៉ូតូ០១ គ្រឿង។
ករណីនេះកើតឡើងកាលពីល្ងាចថ្ងៃទី៣០ខែតុលាឆ្នាំ២០២០ នៅលើផ្លូវជាតិលេខ៦ ត្រង់ចំណុចភូមិព្រែកតសោមឃុំឫស្សីជ្រោយស្រុកមុខកំពូលខេត្ដកណ្ដាល។
សមត្ថកិច្ចបន្តទៀតថានៅថ្ងៃកើតហេតុ មានម៉ូតូមួយគ្រឿងម៉ាក ហុងដាC125ពណ៍ខ្មៅពាក់ផ្លាកលេខ កំពង់ចាម1T1544 បើកបរដោយឈ្មោះវ៉ន វិនភេទប្រុសអាយុ៣២ឆ្នាំមានទីលំនៅភូមិតាសែនឃុំសូទិព្វស្រុក ជើងព្រៃខេត្តកំពង់ចាម ដោយមានឌុបប្រពន្ធឈ្មោះខាត់ ស្រីមុំ អាយុ៣៣ឆ្នាំមានទីលំនៅជាមួយគ្នា។
ធ្វើដំណើរពីជើង ទៅត្បូង លុះមកដល់ចំណុចកើតហេតុបានមកប៉ះសួនច្បារកណ្ដាលទ្រូងផ្លូវ បណ្ដាលអោយម៉ូតូដួល ហើយអ្នកបើកបរបានផ្លោងទៅបុកបង្គោលភ្លើង ធ្វើអោយអ្នកបើកបរម៉ូតូស្លាប់នៅកន្លែងកើតហេតុ និងរបួសធ្ងន់ដល់អ្នករួមដំណើរហើយបានបញ្ចូនទៅព្យាបាលនៅពេទ្យភ្នំពេញ។
_ ក្រោយពីទទួលបានពត៌មានកម្លាំងប៉ុស្តិឫស្សីជ្រោយនិងកម្លាំងជំនាញបានចុះទៅដល់កន្លែងកើតហេតុហើយបានពិនិត្យកន្លែងកើតហេតុ ហើយបានធ្វើកំណត់ហេត់ប្រគល់សពក្រុមគ្រួសារយកទៅធ្វើបុណ្យតាមប្រពៃណី។
សេចក្តីសន្និដ្ឋាន ដោយអ្នកបើកបរម៉ូតូមានបញ្ហាសុខភាព ៕
