កំពង់ចាម៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម មុខសញ្ញាជួញដូរនិងប្រើប្រាស់គ្រឿងញៀន ចំនួន ៩នាក់ ត្រូវបាន កម្លាំងនគរបាលការិយាល័យប្រឆាំងគ្រឿងញៀនខេត្ត សហការជាមួយកម្លាំង អធិការរដ្ឋាននគរបាលស្រុកព្រៃឈរ និងកម្លាំងនគរបាលស្រុកបាធាយ ឃាត់ខ្លួន។ ការឃាត់ខ្លួនក្រុមជនសង្ស័យខាងលើ ដោយអនុវត្តតាមដីកាបង្គាប់អោយចាប់ខ្លួនរបស់ឯកឧត្តម វង្ស ប៊ុន វិសុទ្ធ ព្រះរាជ អាជ្ញា អមសាលាដំបូងខេត្តកំពង់ចាម។ ប្រតិបត្តិការបានធ្វើឡើងកាលពីថ្ងៃទី៣១ ខែតុលា ឆ្នាំ២០២០ វេលាម៉ោង១៤នឹង០០នាទី ស្ថិតក្នុងភូមិត្រពាំងទូក ឃុំជ្រៃវៀន ស្រុកព្រៃឈរ ខេត្តកំពង់ចាម។