អគ្គីភ័យបំផ្លាញផ្ទះអ្នកស្រុក កើតឡើងពេលកណ្ដាលរាត្រី
ភ្នំពេញ៖បើយោងតាមសេចក្ដីរាយការណ៍ ពីសំណាក់កម្លាំងសមត្ថកិច្ចអាជ្ញាធរច្បារពៅ បានអោយដឹងនៅព្រឹកថ្ងៃ១៤ខែវិច្ឆិកានេះមកថា ដោយស្ដីពីករណីអគ្គីភ័យបំផ្លាញផ្ទះអ្នកស្រុក កាលពីម៉ោងរំលងអាធ្រាតនាថ្ងៃទី១៤ ខែវិច្ឆិកា ឆ្នាំ២០២០ នេះចាប់តាំងពីម៉ោង១ រហូតដល់ម៉ោងទៀបភ្លឺ ។
ចំពោះករណីអគ្គីភ័យកើតឡើងនៅផ្ទះលេខមួយបេផ្លូវ៣៧១ភូមិដើមម៉ាក់ក្លឿដែលមានម្ចាស់ផ្ទះឈ្មោះ គូ ស៊ុយហ្គិច ភេទស្រី បានជួលឱ្យឈ្មោះ ង្វៀង ធីលិន ភេទស្រីអាយុ ២៣ឆ្នាំ ប្រកបអាជីវកម្មលក់កាហ្វេ។
អគ្គីភ័យខាងលើបណ្ដាលមកពីទុស្សេចរន្តអគ្គិសនីម៉ាស៊ីនបោកខោអាវ បណ្ដាលឱ្យខូចខាតខោអាវ និងសម្ភារៈមួយចំនួនតែពុំមានបង្កគ្រោះថ្នាក់ដល់មនុស្សឡើយ។
អគ្គីភ័យខាងលើត្រូវបានពន្លត់ចប់ជាស្ថាពរនៅថ្ងៃខែឆ្នាំដដែលក្រោមការជួយអន្តរាគមន៍របស់ឡានទឹកសាលាខណ្ឌច្បារអំពៅ និងកម្លាំងសាមគ្គីរបស់បងប្អូនប្រជាពលរដ្ឋនៅជុំវិញកន្លែងកើតហេតុ៕
