ស ថេត សូមចូលរួមគោរពច្បាប់ចរាចរណ៍ឲ្យបានគ្រប់ពេលដែលបេីកបរ ដេីម្បីការពារអាយុជីវិត និងទ្រព្យសម្បត្តិ របស់លោកអ្នក ,មន្ត្រីចរាចរណ៍ទាំងអស់ ត្រូវតែអនុវត្តឲ្យបានត្រឹមត្រូវតាមច្បាប់ កុំភ័យខ្លាចការអន្តរាគមណាមួយ ចំពោះអ្នកដែលបេីកបរខុសច្បាប់
ភ្នំពេញ៖លោកឧត្តមសេនីយ៍ឯក ស ថេត បានបញ្ជាក់យ៉ាងច្បាស់ដល់មន្ត្រីចរាចរណ៍ទាំងអស់ ត្រូវតែអនុវត្តឲ្យបានត្រឹមត្រូវតាមច្បាប់ កុំភ័យខ្លាចការអន្តរាគមណាមួយ ចំពោះអ្នកដែលបេីកបរខុសច្បាប់ ។ចំណែកអ្នកធ្វើចរាចរណ៌សូមចូលរួមគោរពច្បាប់ចរាចរណ៍ឲ្យបានគ្រប់ពេលដែលបេីកបរ ដេីម្បីការពារអាយុជីវិត និងទ្រព្យសម្បត្តិ របស់លោកអ្នក
លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាក់បែបនេះ ក្នុងពេលដែលលោកអញ្ជេីញជាអធិបតីក្នុងកិច្ចប្រជុំដកពិសោធន៍ការអនុវត្តច្បាប់ ស្តីពីចរាចរណ៍ផ្លូវគោក តាមអនុក្រឹត្យលេខ ៣៩ អនក្រ.បក ចុះថ្ងៃទី១៧ ខែមីនា ឆ្នាំ២០២០ ប្រចាំខែតុលា ឆ្នាំ២០២០ ។
ក្នុងកិច្ចប្រជុំនេះដែរក៏មានការចូលរួមពីលោក លោកស្រីស្នងការរង លោកនាយ នាយរង នាយផ្នែកការិយាល័យចរាចរណ៍ លោកអធិការ អធិការរងទទួលការងារចរាចរណ៍ ។
ក្នុងកិច្ចប្រជុំនោះលោកវរសេនីយ៍ឯក សែម រតនា នាយការិយាល័យចរាចរណ៍ផ្លូវគោក បានឡេីងអានរបាយការណ៍បូកសរុបលទ្ធផល ស្តីពីសភាពការណ៍គ្រោះថ្នាក់ចរាចរណ៍ និងការរឹតបន្តឹងអនុវត្តច្បាប់ចរាចរណ៍ផ្លូវគោក ប្រចាំខែតុលា បន្ទាប់ពីនេះលោកឧត្តមសេនីយ៍ទោ ចេវ ហាក់ ស្នងការរងនគរបាលរាជធានី ទទួលផែនការងារចរាចរណ៍បានឡេីងបង្ហាញអំពីបទពិសោធន៍ ការរឹតបន្តឹងច្បាប់ចរាចរណ៍ផ្លូវគោក ។
ក្នុងឱកាសនោះដែរក៏មានការចូលរួមជាមតិយោបល់ពីសមាជិកនៃអង្គប្រជុំជាពិសេសប្រធានគោលដៅចរាចរណ៍នានា ដោយបានលេីកឡេីងពីការអនុវត្តការងារប្រចាំ និងបញ្ហាប្រឈមផ្សេងៗដែលបានជួបប្រទះផងដែរ ៕
