អាជ្ញាធរខណ្ឌចំការមននិង ក្រុមការងារក្រសួងទេសចរណ៍ចុះពិនិត្យណែនាំម្ចាស់ហាង៥កន្លែងដើម្បីបង្ការទប់ស្កាត់ជម្ងឺកូវី-១៩
ភ្នំពេញ៖ រដ្ឋបាលខណ្ឌចំការមន នាព្រឹកថ្ងៃទី០២ខែធ្នូឆ្នាំ២០២០នេះបានចូលរួមសហការជាមួយក្រុមការងារក្រសួងទេសចរណ៍ ចុះត្រួតពិនិត្យ និងណែនាំវិធានសុវត្ដិភាពទេសចរណ៍ នៅតាមភោជនីយដ្ឋានចំនួន ០៥ទីតាំង និងហាងកាហ្វេចំនួន ០១ទីតាំង នៅក្នុងសង្កាត់ទន្លេបាសាក់ខណ្ឌចំការមនរាជធានីភ្នំពេញ។
ក្នុងដំណើរចុះពិនិត្យនិងណែនាំដល់ម្ចាស់ហាងឬភោជនីយ៍ដ្ឋាននាព្រឹកមិញនេះរដ្ឋបាលខណ្ឌចំការមន ដឹកនាំដោយលោក អាំង សិរីពិសិដ្ឋ អភិបាលរងខណ្ឌចំការមន តំណាងលោក ថេង សុថុល អភិបាល នៃគណៈអភិបាលខណ្ឌចំការមន បានចូលរួមសហការជាមួយក្រុមការងារក្រសួងទេសចរណ៍ ដឹកនាំដោយឯកឧត្តម គួច បញ្ញាសា អនុរដ្ឋលេខាធិការក្រសួងទេសចរណ៍ ចុះត្រួតពិនិត្យ និងណែនាំវិធានសុវត្ដិភាពទេសចរណ៍ ក្នុងការបង្ការ និងទប់ស្កាត់ការរីករាលដាលនៃជំងឺកូវីដ-១៩ ក្នុងសហគមន៍ នៅតាមភោជនីយដ្ឋានចំនួន ០៥ទីតាំង និងហាងកាហ្វេចំនួន ០១ទីតាំង នៅក្នុងសង្កាត់ទន្លេបាសាក់ ខណ្ឌចំការមន រួមមាន៖ភោជនីយដ្ឋាន ង៉ន,ភោជនីយដ្ឋាន អេលមិន,ភោជនីយដ្ឋាន TOPAS,ភោជនីយដ្ឋាន ប្រោនព្រះនរោត្តម,ហាងកាហ្វេ KOIនិងភោជនីយដ្ឋាន ម្លិះ៕