អាជ្ញាធរខណ្ឌបឹងកេងកង បន្តចលនាយុទ្ធនាការ ចែកម៉ាស់ជូនប្រជាជន និងចុះពិនិត្យតាមអាហារដ្ឋាននានា
ភ្នំពេញ៖លោកស្រីស៊ិន រតនា អភិបាលរងខណ្ឌបឹងកេងកង បានអោយដឹងនៅព្រឹកថ្ងៃទី០៧ខែធ្នូនេះថា ដោយកាលពីថ្ងៃទី០៦ខែធ្នូឆ្នាំ២០២០នេះលោកធឹម សំអាន អភិបាល នៃគណះអភិបាលខណ្ឌបឹងកេងកង ដោយអនុវត្តន៍តាមវិធានការរបស់ក្រសួងសុខាភិបាល និង សេចក្ដីជូនដំណឹងរបស់រដ្ឋាបាលរាជធានីភ្នំពេញ និងមានការណែនាំដោយយកចិត្តទុក្ខដាក់ ពីសំណាក់លោកអភិបាលខណ្ឌដោយបានដឹកនាំកម្លាំងនៃក្រុមការងារ ចុះត្រួតពិនិត្យនៅទីតាំងហាងលក់សម្លៀកបំពាក់ Zando ផ្លូវ៦៣ កែង៣២២សង្កាត់បឹងកេងកងទី១ ខណ្ឌបឹងកេង ,ធនាគាប្រាសាក់ នៅបណ្តោយមហាវិថីព្រះមុនីវង្ស ដែលស្ថិតនៅក្នុងមូលដ្ឋានសង្កាត់បឹងកេងកងទី៣ នឹង ចុះមក ឱសថស្ថាន ចន្ទ័ ពេញវង់ ក្នុងសង្កាត់ អូឡាំពិក នឹងដាក់បញ្ជាអោយ កម្លាំង ចំរុះ ពិនិត្យនឹងតាមដានអោយបានជាប់ នូវគោលដៅទាំង៣ខាងលើ។
ជាមួយគ្នានេះដែរ លោកអភិបាលខណ្ឌបឹងកេងកងធឹម សំអាន ក៏បានធ្វើការណែនាំជាប្រចាំទៅដល់ លោកចៅសង្កាត់ទាំង ៧ និងលោកប្រធានផ្សារទាំង២ កំពុងបន្តចលនាយុទ្ធនាការចែកម៉ាសជូន ប្រជាពលរដ្ឋក្នុងមូលដ្ឋាន និង បន្តណែនាំដល់ភោជនីយដ្ឋាន ,អាហារដ្ឋាន នានាអោយ ចេះ រៀបចំគម្លាត នឹង ដាក់ ទឹកអាល់កុល ឬ ជែល វាស់កម្ដៅព្រមទាំងពាក់ម៉ាស ការពារអោយបានត្រឹមត្រូវ តាមសេចក្តីណែនាំលេខ ០០៩/២០សណន ចុះថ្ងៃទី៣០ ខែវិច្ឆិកា ឆ្នាំ២០២០ របស់សាលារាជធានីភ្នំពេញ៕
