ក្រសួងសុខាភិបាល៖ នៅកម្ពុជាមានការគ្រប់គ្រងបានល្អ ទើបធនាគារកាណាឌីយ៉ា នឹងបើកដំណើរការឡើងវិញនៅថ្ងៃទី៩ ខាងមុខនេះ

ភ្នំពេញ៖ បើយោងតាមសារ លិខិតរបស់រដ្ឋមន្ត្រី ក្រសួងសុខាភិបាល ជម្រាបជូនអ្នក ឧកញ៉ា ពុង ឃាវ សែ ប្រធានក្រុមប្រឹក្សាភិបាល ធនាគារកាណា ឌីយ៉ាក.អ បានឲ្យដឹងថា តាមប្រសាសន៍ណែនាំដ៏ខ្ពង់ខ្ពស់របស់ សម្តេចតេជោ នាយករដ្ឋមន្ត្រី ក្រសួងបានអនុញ្ញាតឲ្យ ធនាគារកាណា ឌី យ៉ា នឹង ត្រូវ ដំណើរការ ឡើងវិញ ចាប់ពី ថ្ងៃទី០៩ ខែធ្នូ ឆ្នាំ២០២០តទៅ ។ អ្វីដែលនឹងត្រូវបើកវិញនៅថ្ងៃទី០៩នេះ អាចកម្ពុជាគ្រប់គ្រងស្ថានការណ៍ចំពោះកូវីដ-១៩ ក្នុងព្រឹត្តិការណ៍សហគមន៍២៨វិច្ឆិកា មានការទទួលខុសត្រូវខ្ពស់។

ដោយឡែក ធនាគារ ចិន ដែល ស្ថិតនៅ ក្នុង អគារកាណា ឌី យ៉ា ត្រូវបិទរហូតដល់ថ្ងៃទី ១៧ខែធ្នូ ឆ្នាំ២០២០។
ជាមួយគ្នានោះ ក្រសួងតម្រូវឲ្យបុគ្គលិក ដែល ធ្វើការ នៅ ទីនោះ ទាំងអស់ ត្រូវ ធ្វើតេស្ត ជា លើក ទី ២នៅ ថ្ងៃទី ១៣ ខែធ្នូ និង លើក ទី ៣ នៅ ថ្ងៃទី ១៧ ខែធ្នូ ឆ្នាំ ២០២០។ ទោះជាយ៉ាងណាក៏ដោយ សូមឲ្យប្រជាពលរដ្ឋទាំងអស់គ្នា មេត្តាចូលរួម អនុវត្តតាមការណែនាំ របស់ក្រសួងសុខាភិបាល និងវិធានការរាជរដ្ឋាភិបាល។

អ្វីដែលជាមោទនភាព និងក្តីអបអរសាទរ រីករាយបំផុតនោះ ត្រង់សម្ដេចតេជោ ហ៊ុន សែន មានគម្រោងទិញវ៉ាក់សាំងកូវីដ-១៩ ដើម្បីជួយប្រជាពលរដ្ឋ ក្នុងនោះសម្ដេច បានគិតរួចជាស្រេច ជាមួយក្រសួងសុខាភិបាល និងក្រសួងសេដ្ឋកិច្ច និងហិរញ្ញវត្ថុ។ តាមរយៈប្រសាសន៍លើកឡើងខាងលើ ក៏មានសប្បុរជន មានទ្រព្យធន អ្នកវិនិយោគ បានចូលរួមជាមួយសម្ដេច ក្នុងការជួយឧបត្ថម្ភថវិកា ទិញវ៉ាក់សាំង ហើយគាត់ធ្វើឲ្យប្រជាពលរដ្ឋមានក្តីរំភើបឥតឧបមា៕ សំរិត