ទាហានថៃចាប់ខ្លួនពលរដ្ឋខ្មែរ៧នាក់ ដែលលួចឆ្លងដែន
បន្ទាយមានជ័យ ៖ ពលករខ្មែរ៧នាក់ ដែលកំពុងលួចឆ្លងចូលប្រទេសថៃ នៅចំណុចនិយាមការ TA.356139 ភូមិដងងូ ឃុំ ប៉ារ៉ៃ ស្រុកអារញ្ញ ខេត្តស្រះកែវ ត្រូវទាហានឈុតប៉ារ៉ាកងរយថៃ លេខ១២០៥ និងទាហានប៉ារ៉ាថៃលេខ១២ នៃកងកម្លាំងបូរផា ខណៈ កម្លាំងកំពុងល្បាតត្រួតពិនិត្យ តាមបណ្តោយព្រំដែនដែល ទល់មុខក្រុងប៉ោយប៉ែតខេត្តបន្ទាយមានជ័យ កាលពីថ្ងៃទី១៣ ខែធ្នូ ឆ្នាំ២០២០ ។
ពលករទាំង៧នាក់នោះ បានប្រាប់កងកម្លាំងថៃថា ពួកគេមានបំណងទៅធ្វើការស៊ីឈ្នួលដូចសព្វ១ដង នៅផ្សាររោងគ្លឿ ស្រុកអារញ្ញប្រាថេត ខេត្តស្រះកែវ ។
មន្ត្រីការិយាល័យទំនាក់ទំនងព្រំដែនកម្ពុជា ថៃ បានឲ្យដឹងកាលពីថ្ងទី១៤ ខែធ្នូ ឆ្នាំ២០២០ ថា៖ គេបានបញ្ជូនពលរដ្ឋខ្មែរទាំងនោះ នៅទីបញ្ជារកាដ្ឋានរកងទាហានប៉ារ៉ាលេខ១២០៥ ជាទីដែលទាហានថៃ បានសួរចម្លើយនិងធ្វើរបាយការណ៍ ហើយគេដឹងថា ៖ ពលករខ្មែរទាំង៧នាក់ មានដូចជា ៖ ១-ឈ្មោះ ហៅ បុណ្យសុង ប្រុស អាយុ៣១ឆ្នាំ។ ២-ឈ្មោះ រ៉េត ដុផន ប្រុស អាយុ៣៥ឆ្នាំ ។ ៣-ឈ្មោះ លើត ណារ៉ុង ប្រុស អាយុ១៥ឆ្នាំ ។ ៤-ឈ្មោះ ខន សុផេង ប្រុស អាយុ៣០ឆ្នាំ ។ ៥-ឈ្មោះ ហែម ដា ស្រី អាយុ៦២ឆ្នាំ និង២នាក់ទៀតមិនទាន់ស្គាល់អត្តសញ្ញាណ ។
ក្រោយធ្វើកំណត់ហេតុ និងរបាយការណ៍ កងទហានថៃបានបញ្ជូនទៅឲ្យនគរបាល ហើយឃុំខ្លួនមួយយប់ បញ្ជូនទៅឲ្យនគបាលការពារព្រំដែនលេខ១២៤ ភូមិណូនម៉ាកមុន ស្រុកគោកធ្យូង ដើម្បីបញ្ជូនត្រឡប់មកប្រទេសកម្ពុជាវិញ តាមច្រកណូនម៉ាក់មុន ស្រុកគោកធ្យូង-អូរបីជាន់ ស្រុកអូរជ្រៅ ៕
