ឃាត់ខ្លួនជនសង្ស័យ ចំនួន០១នាក់ លួចម៉ូតូ
ភ្នំពេញ៖ អធិការដ្ឋាននគរបាលខណ្ឌពោធិ៍សែនជ័យ បានឲ្យដឹងថា នៅយប់ថ្ងៃទី ២២ ខែ ធ្នូ ឆ្នាំ២០២០ កម្លាំងនគរបាលប៉ុស្តិ៍ទាំង៧និងផ្នែកនៃអធិការដ្ឋានខណ្ឌពោធិ៍សែនជ័យ បានចេញល្បាតពួនស្ទះប្រទាក់ក្រឡាគ្នា ដើម្បីការពារសុវត្ថិភាពជូនប្រជាពលរដ្ឋនៅក្នុងមូលដ្ឋាន ស្រាប់តែលឺប្រជាពលរដ្ឋរាយការណ៍មកថា មានករណីលួចម៉ូតូ ខណៈនោះកម្លាំងនគរបាល នៃអធិការខណ្ឌចុះទៅដល់កន្លែងកើតហេតុឃាត់ខ្លួនជនសង្ស័យបានចំនួន០១នាក់ យកមកសាកសួរនៅប៉ុស្តិ៍រដ្ឋបាលសង្កាត់កាកាបទី១ ។
ជនសង្ស័យមានឈ្មោះ ហាក់ ហ្វីនថាណូ ភេទប្រុសអាយុ២៩ឆ្នាំ មុខរបរមិនពិតប្រាកដ ស្នាក់នៅសង្កាត់បឹងសាឡាងខណ្ឌទួលគោករាជធានីភ្នំពេញ។
ជនរងគ្រោះឈ្មោះ ពាល់ សុឃីម ភេទស្រី អាយុ៣៨ឆ្នាំ មុខរបរលក់ដូរ ស្នាក់នៅភូមិក្បាលដំរីទី១សង្កាត់កាកាបទី១ខណ្ឌពោធិ៍សែនជ័យ។
វត្ថុតាំងដកហូតរួមមាន ៖ ម៉ូតូមួយគ្រឿងម៉ាកហុងដាសេ១២៥ពណ៌ខ្មៅ ពាក់ស្លាកលេខភ្នំពេញ1AW3660,សោខ្សៀចំនួន១និងដែកកែឆ្នៃសំរាប់ឆ្គិះសោរម៉ូតូចំនួន១ ។
បច្ចុប្បន្នជនសង្ស័យកំពុងឃាត់ខ្លួនបណ្ដុះអាសន្ន ដើម្បីកសាងសំណុំរឿង បញ្ជូនទៅកាន់តុលាការចាត់ការតាមផ្លូវច្បាប់៕
